24 Амонлӧн кесйӧгъясыс кыпӧдчисны сылы паныд да виисны сійӧс аслас керкаас.
Тіян вир вӧсна – олӧмнытӧ мырддьӧм вӧсна – Ме водзӧс перъя сылысь, коді кисьтас вирнытӧ, пемӧс-ӧ сійӧ либӧ морт.
Коді кисьтас мортлысь вир, сылысь вирсӧ тшӧтш кисьтасны, ӧд мортсӧ вӧчӧма Ен кодьӧн.
Сэсся Еху тшӧктіс корсьны Ахазийӧс, коді вӧлі дзебсясьӧ Самарияын. Аддзӧм бӧрын сійӧс вайӧдісны Еху дінӧ да виисны. Ахазийӧс дзебисны сӧмын сылӧн Иосафат пӧль вӧснаыс, коді став сьӧлӧмсяньыс корсис Господьӧс. Ахазийлӧн рӧдысь некод эз коль, коді эськӧ вермис пуксьыны ӧксыӧ.
Но Иуда войтыр виис ставнысӧ, кодъяс кыпӧдчисны Амон ӧксылы паныд. Амон бӧрти найӧ пуктісны ӧксыӧ сылысь Иосей писӧ.
Тӧд, мый Енмыс бур сьӧлӧма, но овлӧ чорыдӧн. Чорыд усьӧмаяс дінӧ, бур сьӧлӧма тэ дінӧ, сӧмын кутчысян кӧ Сылӧн бурлунӧ. Он кӧ, тэнӧ тшӧтш керыштасны.
