6 Тайӧ вежӧссӧ Соломон мичмӧдіс дона изъясӧн да эжис Парваимысь вайӧм зарниӧн.
Ме пукті став ассьым вынӧс, медым менам Енлысь крамсӧ лэптӧм вылӧ чукӧртны зарни, эзысь, ыргӧн, кӧрт, пу, оникс из, уна рӧма мича да дона изъяс да уна мрамор.
Кодлӧн вӧліны дона изъяс, найӧ сетісны тайӧ изъяссӧ Господьлӧн крамса озырлун видзанінӧ, Гирсон рӧдысь Ехиэл киӧ.
Крамлысь ыджыд вежӧссӧ пытшкӧссяньыс Соломон эжис кипарис пуӧн, сэсся вевттис медбур зарниӧн, нӧшта мичмӧдіс пальма да чеп серпасъясӧн.
Ыджыд вежӧсысь матичьяс, тагӧсъяс, стенъяс да ӧдзӧсъяс [тшӧтш ӧшинь рамаяс] сійӧ эжис зарниӧн. Стенъяс вылас вундалӧмӧн серпасаліс херувимъясӧс.
