6 Иотам лои вына ӧксыӧн, ӧд сійӧ кывзысьӧмӧн ветліс аслас Господь Енлӧн туйӧд.
Господь вӧлі Иосафаткӧд, ӧд сійӧ ветліс веськыд туйӧд, кыдзи сылӧн Давид пӧльыс вӧчис аслас медводдза ӧксыалан воясӧ. Иосафат эз юрбит Ваал идолъяслы,
а корсис аслас батьыслысь Енсӧ да оліс Енлӧн тшӧктӧмъяс серти, а эз израильсаяс моз.
Дерт, тэнад эм и бур уджъяс. Тэ бырӧдін Иуда муысь юрбитан пуяс да сьӧлӧмсяньыд корсин Енмӧс».
Озей юрбитіс Енлы, кытчӧдз ловъя вӧлі Закар, коді велӧдіс войтырсӧ Енмысь вежавидзны. Кор Озей корсис Господьӧс, Ен отсӧгӧн сылӧн ставыс артмис.
Сійӧ тышкасис аммон войтырлӧн ӧксыкӧд да вермис сійӧс. Сійӧ жӧ вонас аммон войтыр вайис сылы вот пыдди сё эзысь талант, дас сюрс мешӧк шобді да дас сюрс мешӧк ид. Та мында жӧ аммон войтыр вайис сылы мӧд вонас и коймӧд вонас.
