9 Иудаын да Ерусалимын олысьяслы вӧлі юӧртӧма, мый налы колӧ мынтыны Господьлы вот. Ӧд овтӧминын на Мӧисей, Енлӧн кесйӧг, сетіс Израиль войтырлы вот мынтӧм йылысь тшӧктӧм.
Юралысьяс да став войтырыс нимкодьпырысь вайисны сьӧм да пукталісны кудйӧ, кытчӧдз кудйыс эз тыр.
Та вӧсна Йоас корис ас дінас Иодай аркирейӧс да юаліс сылысь: «Мыйла тэ он тшӧкты левитъяслы, медым найӧ Иудаын да Ерусалимын олысьяслысь чукӧртісны вот? Ӧд Мӧисей, Господьлӧн кесйӧг, да Израиль войтыр тшӧктылісны чукӧртны сьӧм вежа чом вылӧ.
Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:
«Израиль пиянлысь лыдсӧ арталігад мед быдӧн ас пондаыс вештысяс Господьлы. Сэки найӧс оз ло бырӧдӧма арталӧм вӧсна.
