5 нӧшта коймӧд юкӧныс мед видзас ӧксылысь керкасӧ, и бӧръя коймӧд юкӧныс мед видзас Есод нима дзиръя. Став войтырыс мед лоас Господьлӧн крам йӧрын.
Локтана шойччан лунӧ крамын кесъялысь попъясысь да левитъясысь коймӧд юкӧныс мед видзас крамӧ пыран ӧдзӧсъяс,
Попъяс да сійӧ лунӧ кесъялысь левитъяс кындзи некод мед оз пыр Господьлӧн крамӧ. А налы позьӧ пырны, ӧд найӧ вежӧдӧмаӧсь-сӧстӧммӧдӧмаӧсь асьнысӧ. Но став войтырыслы Господьлӧн тшӧктӧм серти колӧ лоны крам ортсыас.
Господь вӧчис Мӧисейлӧн корӧм серти, и жабаяс кулалісны керкаясын, йӧръясын да видз-му вылын.
Сэні вӧлі чужӧмсяньыс коктӧм морт. Сійӧс быд лун вайлісны крамӧ да пуксьӧдлісны сідз шусяна Мича дзиръя дорӧ, медым сійӧ корис крамӧ волысьяслысь.
