2 Каднебӧг 14:11 - Коми Библия 2023

¹¹ Аса шыасис аслас Господь Ен дінӧ: «Господьӧй, Тэ верман отсавны жеблы и выналы. Господьӧй, миян Енмӧй, отсав миянлы! Ӧд Тэ вылӧ ми лача кутам, Тэнад нимӧн ми петім тайӧ лыдтӧм-тшӧттӧм йӧзыслы паныд. Господьӧй, Тэ – миян Ен. Эн лэдз мортлы вермыны Тэнӧ».

2 Каднебӧг 14:11 交叉參考

Ӧксыяслӧн 3 небӧг 8:44

Тэнад тшӧктӧм серти кӧ Тэнад войтырыд тышӧ петас вӧрӧглы паныд, кутас кевмысьны Тэныд, Господьӧй, да бергӧдчас Тэнад бӧрйӧм карлань да крамлань, мый ме лэпті Тэныд,

1 Каднебӧг 5:20

Енмыс отсаліс налы да сетіс налӧн киӧ Агарсянь чужысьясӧс да на дор сулалысьясӧс. Енмыс кыліс Сы вылӧ лача кутысьяслысь кевмӧмсӧ, кор найӧ тыш дырйи шыасисны Сы дінӧ.

2 Каднебӧг 13:12

Енмыс миянкӧд, Сійӧ – миян юралысьным. Кор Сылӧн попъясыс кутасны тутсыны трубаясӧ, ми петам тышӧ тіянлы паныд. А ті, Израиль войтыр, энӧ тышкасьӧй Господькӧд, тіян батьяслӧн Енкӧд, ӧд тіян оз ло вермӧмыс».

2 Каднебӧг 13:14

Иудаса тышкайӧз бергӧдчисны да аддзисны, мый на вылӧ уськӧдчӧны водзысяньыс и бӧрсяньыс. Сэки найӧ шыасисны Господь дінӧ, а попъяс кутісны тутсыны трубаясӧ.

2 Каднебӧг 13:15

Иудаса тышкайӧз гораа горӧдісны. Налӧн горӧдӧм дырйи Енмыс пасьвартіс Еровамӧс да израильса тышкайӧзӧс Авий ӧксылӧн да Иуда войтырлӧн син водзын.

2 Каднебӧг 13:18

Тадзи вӧлі раммӧдӧма Израиль войтырӧс. А Иуда войтыр вӧлі вына, ӧд найӧ лача кутісны батьясныслӧн Господь Ен вылӧ.

2 Каднебӧг 14:10

сылы паныд тышӧ петіс Аса. Асалӧн тышкайӧзыс дасьтысисны тыш кежлӧ Цефата ковтысын, Мареша кар дорын.

2 Каднебӧг 16:7

Сэки иудаса Аса ӧксы дінӧ локтіс Ханани нима пророк да шуис сылы: «Тэ шыасин отсӧгла арамейяслӧн ӧксы дінӧ, а эн аслад Господь Ен дінӧ. Та вӧсна арамса ӧксылӧн тышкайӧзыс оз лоны тэнад кипод улынӧсь.

2 Каднебӧг 18:31

Кор тарантаса тышкайӧзӧн веськӧдлысьяс аддзисны Иосафатӧс, чайтісны, мый сійӧ израильса ӧксы. Найӧ кытшалісны сійӧс, медым уськӧдчыны сы вылӧ. Но Иосафат кутіс горзыны, и Господь отсаліс сылы. Енмыс ылыстіс найӧс сы дінысь.

2 Каднебӧг 20:12

Миян Енмӧй, мыжды найӧс. Ми абу сэтшӧм вынаӧсь, медым вермим паныд сувтны тайӧ уна лыда тышкайӧзыслы. Ми огӧ тӧдӧй, мый миянлы вӧчны, но Тэлань ми кыпӧдам синнымӧс!»

2 Каднебӧг 20:32

Иосафат ветліс Аса батьыслӧн туйӧд да эз кежлыв сэтысь. Сійӧ вӧчис Господь водзын шогманасӧ.

2 Каднебӧг 25:8

Мун да тышкась повтӧг! А мунан кӧ израильсаяскӧд, Енмыс пасьвартас тэнӧ вӧрӧг водзад, ӧд Енмыслӧн эм вын отсавны и уськӧдны».

2 Каднебӧг 26:7

Енмыс отсаліс сылы тышкасьны филистимсаяслы паныд, Гур-Ваалын олысь арабъяслы да меунъяслы паныд.

2 Каднебӧг 32:20

Езекей ӧксы да Исай пророк, Амослӧн пиыс, кевмысисны да горзӧмӧн корисны отсӧг енэжсяньыс.

2 Каднебӧг 32:8

Сыкӧд – мортлӧн выныс, а миянкӧд – Господь, миян Енным. Сійӧ пыр отсалӧ миянлы да тышкасьӧ миян пыдди». Иудаса Езекей ӧксылӧн кывъясыс ёнмӧдісны тышкайӧзӧс.

Псалтыр 120:1

Крамӧ мунігӧн сьылӧм. Синмӧс лэпта керӧсъяслань. Кысянь воас меным отсӧгыс?

Псалтыр 18:6

Сэтысь шонді долыда петӧ, кыдзи верӧспу аслас гӧтрасян вежӧсысь, кыдзи панласьысь нимкодьпырысь котӧртӧ аслас туйӧд.

Псалтыр 20:5

Сійӧ корис Тэнсьыд олӧм, и Тэ нюжӧдін сылысь олӧмсӧ, сетін сылы овны нэмъяс чӧж.

Псалтыр 20:7

бурсиин сійӧс нэмъяс кежлӧ. Тэ сетан сылы нимкодясьны Аслад чужӧмбан водзын.

Псалтыр 20:8

Ӧксы кӧ лача кутӧ Господь вылӧ, сійӧ оз вӧрзьыв, ӧд Медвылыссаыс бур сьӧлӧма сы дінӧ.

Псалтыр 22:5

Менӧ дзескӧдысьяслӧн син водзын Тэ дасьтан меным чӧскыд пызан, мавтан менсьым юрӧс выйӧн, тыртан менсьым чашаӧс тырӧдзыс.

Псалтыр 22:6

Тэнад бурлуныд да буралӧмыд лоасны мекӧд быд лун олӧм помӧдз, и ме кута овны Господьлӧн керкаын став олӧм чӧж.

Псалтыр 34:6

Налӧн туйыс мед лоӧ пемыд да вильыд, и Господьлӧн анделыс мед вӧтчас на бӧрся.

Псалтыр 37:5

Ӧд менам мыжъясӧй юрвывтыр, сьӧкыд ноп моз найӧ личкӧны менӧ.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Псалтыр 9:19

Корысьӧс оз ло пыр кежлӧ вунӧдӧма, гӧль мортлӧн лачаыс оз дзикӧдз вош.

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

Петӧм 14:10

Фараон матыстчис. Израильсаяс кор аддзисны, мый египетсаяс вӧтӧдӧны найӧс, ёна повзисны да бӧрдӧмӧн шыасисны Господь дінӧ.

Шусьӧгъяс 18:10

Дышпырысь кӧ уджалан, тэ – бырӧдысьлы вок.

Исай 10:20

Сійӧ лунӧ Израильлӧн коляс войтырыс, Яковсянь чужысьясысь ловйӧн кольӧмаяс, оз нин пондыны лача кутны найӧс дзескӧдысь вылӧ, но став сьӧлӧмсянь пондасны лача кутны Господь вылӧ, Израильлӧн вежа Ен вылӧ.

Исай 2:22

Дугдӧй лача кутны морт вылӧ, кодлӧн олӧмыс лолыштӧм кодь. Мый вермас вӧчны сійӧ?

Исай 26:13

Господьӧй, миян Енмӧй, Тэ пыдди миян вылын ыджыдалісны мукӧд ыджыдъяс. Но ӧні ми шыасям сӧмын Тэ дінӧ.

Еремей 1:19

Найӧ кутасны тышкасьны тэкӧд, но тэнӧ оз вермыны, ӧд Ме тэкӧд, – висьталӧ Господь. – Ме мезда тэнӧ».

Левит 26:8

Тіян пӧвстысь витыс вӧтлас сёӧс, а сёыс вӧтлас дас сюрсӧс. Вӧрӧгъясныд куласны тіян шыпурт помысь.

Амос 5:9

Вынаясӧс Сійӧ бырӧдӧ, налысь изкарсӧ кисьтӧ.

Закар 2:8

Господь Саваоф Ассьыс дзирдлунсӧ петкӧдлӧм могысь мӧдӧдіс менӧ войтыръяс дінӧ, кодъяс куштісны тіянӧс. Сійӧ тадзи висьталӧ на йылысь: – Коді инмӧдчас Менам войтыр дінӧ, сійӧ инмӧдчас Менам донатор дінӧ.

Матвей 16:18

Ме шуа тэныд: Тэ – Петыр, из. Тайӧ из вылас Ме лэпта Ассьым вичко, и адлӧн выныс оз вермы сійӧс.

Иоан 14:1

«Мед оз майшась тіян сьӧлӧмныд. Эскӧй Енлы да эскӧй Меным.

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Ап. уджъяс 2:21

И быдӧн, коді шыасяс Господь дінӧ, мездмас.

Ап. уджъяс 3:16

Исуслӧн нимыс да Сылӧн нимӧ эскӧмыс ёнмӧдіс тайӧ мортсӧ, кодӧс ті ӧні аддзанныд да бура тӧданныд. Исус сетіс сылы эскӧм, и тайӧ эскӧмыс бурдӧдіс сійӧс тіян син водзын.

Ап. уджъяс 9:4

Сійӧ усис муас да кыліс шыасьӧм: «Савл, Савл, мыйла вӧтлан Менӧ?»

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Индӧд 32:27

но вӧрӧглӧн лёкӧдӧм вӧсна ог вӧч тайӧс, медым мустӧмтысь ылӧдлӧмӧн эз шу: «Миян киным ён. Эз Господь тайӧс вӧч».

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.

Ёрдысьяс 7:7

Господь шуис Гедеонлы: «Васӧ лакысь куимсё морт пырыс Ме мезда Израильӧс да сета мадиансаясӧс тэнад киӧ. А мукӧдыс мед мунасны гортаныс».

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ӧксыяслӧн 1 небӧг 17:47

И тані ставныс тӧдмаласны, мый оз шыпуртӧн да шыӧн мезды Господь. Тайӧ тышыс Господьлӧн тыш, и Сійӧ сетас тіянӧс миян киӧ».

Ӧксыяслӧн 1 небӧг 2:9

Господь видзӧ кывзысьысьяслысь воськовъяссӧ, а лёк вӧчысьяс вошӧны пемыдас, ӧд мортлы оз отсав аслас выныс.