29 Мукӧдсӧ на пӧвстысь вӧлі индӧма тӧждысьны вежаинса став дозмук-кӧлуй вӧсна, пызь, вина, вый, ладан да чӧскыд ӧвтанторъяс вӧсна.
Найӧ кывкутісны вежа нянь вӧсна, нянь вись пыдди ваян шобді пызь вӧсна, шомтӧм сӧчӧнъяс, пӧжалӧм нянь да шомӧс вӧсна, тшӧтш ставсӧ мурталӧм-веситӧм вӧсна.
Кодсюрӧӧс на пӧвстысь вӧлі индӧма тӧждысьны крамын кесъялан-вӧдитчан дозмук-кӧлуй вӧсна. Найӧ арталӧмӧн вайлісны дозмук-кӧлуйсӧ, и арталӧмӧн бӧр нулісны сійӧс.
Ставсӧ вӧлі вӧчӧма сы серти, мый ӧксы тшӧктыліс попъяс да левитъяс йылысь, озырлун видзанінъяс да мукӧдторйыс йылысь.
«Тшӧкты Израиль пиянлы вайны тэныд оливысь пычкӧм сӧстӧм вый, медым би дозъясысь выйыс эз бырлы.
