18 Мередлӧн гӧтырыс, коді вӧлі Иуда чужанкотырысь, чужтіс Яредӧс, Хеверӧс да Екутиэлӧс. Яред вӧлі Гедорлӧн бать, Хевер – Соколӧн бать, Екутиэл – Заноахлӧн бать. Мередлы пиянӧс чужтіс тшӧтш фараонлӧн Битя нима нылыс, кодӧс Меред босьтіс гӧтырӧ.
Йоэл да Зевадай – Гедорысь Ерохамлӧн пиян.
Калевлӧн, Ерахмеэл воклӧн, медводдза пиыс вӧлі Меша, Зифлӧн бать. Хевронлӧн Мареш батьсянь чужысьясыс татшӧмӧсь.
Эзрайлӧн вӧліны Етер, Меред, Эфер да Ялон пиян. Етерлӧн чужисны Мирьям, Шаммай да Ишбах. Ишбах вӧлі Эштемлӧн бать.
Ходийлӧн гӧтырсянь, Нахамлӧн чойсянь, чужисны Кейллӧн Гарми батьыс да Маакаысь Эштем.
Асланыс ыжъяслы йирсянін корсьӧм могысь найӧ ветлывлісны ковтыс асыввылӧдз, Гедор дорӧдз.
Пенуэл вӧлі Гедорлӧн бать, Эзер – Хушалӧн бать. Пенуэл да Эзер вӧліны Хурлӧн пиян. Хур, Ефрафалӧн медводдза пиыс, вӧлі тшӧтш Виплиемлӧн бать.
Керӧсвыв муысь Иуда чужанкотырлы вичмисны Шамир, Яттир, Соко,
Изреель, Иокдам, Заноах,
Нӧшта вичмисны Халхул, Бет-Цур, Гедор,
