9 Хаматса Тойи ӧксылы кывсис, мый Давид кушӧдз пасьвартӧма цоваса Ададезер ӧксылысь тышкайӧзсӧ.
Хаматса Тойи ӧксылы кывсис, мый Давид кушӧдз пасьвартӧма Ададезерлысь тышкайӧзсӧ.
Сэки сійӧ мӧдӧдіс ассьыс Адорам писӧ Давид ӧксы дінӧ, мед чолӧмавны да аттьӧавны сійӧс Ададезерӧс вермӧмысь. Ӧд Ададезер дугдывтӧг тышкасис Тойикӧд. Аскӧдыс Адорам вайис эзысь, зарни да ыргӧн дозъяс.
Тивхатысь да Кунысь, Ададезерлӧн каръясысь, Давид вайис зэв уна ыргӧн. Сыысь Соломон вӧчӧдіс вайӧртӧд, сюръяяс да дозмук-кӧлуй.
Аммонсаяс казялісны, мый найӧ лоины мустӧмӧсь Давидлы. Ханун да аммонсаяс мӧдӧдісны сюрс талант эзысь арамейяслы Месопотамияӧ, Маакаӧ да Цоваӧ, медым медавны сэтысь аслыныс тарантасъяс да верзьӧмаясӧс.
