7 Давид босьтіс Ададезер тышкайӧзлысь зарни сайӧдъяссӧ да вайис Ерусалимӧ.
Тышкайӧзӧн веськӧдлысьяслы Иодай поп сетіс Господьлӧн крамысь шыяс да сайӧдъяс, кодъяс коркӧ вӧліны Давид ӧксылӧн.
Дамаскӧ Давид сувтӧдаліс ассьыс тышкакотыръяссӧ. Тадзи арамейяс шедісны Давидлӧн кипод улӧ да кутісны мынтыны сылы вот. Господь быд тышын отсаліс Давидлы вермыны.
Тивхатысь да Кунысь, Ададезерлӧн каръясысь, Давид вайис зэв уна ыргӧн. Сыысь Соломон вӧчӧдіс вайӧртӧд, сюръяяс да дозмук-кӧлуй.
