37 Йӧрдан ю сайысь, Рувимсянь да Гадсянь чужысьяс пӧвстысь да Манассейлӧн джын чужанкотырысь вӧліны сё кызь сюрс тышкаморт, аскӧдныс налӧн вӧлі быдпӧлӧс тышкасянторйыс.
Асир чужанкотырысь вӧліны нелямын сюрс тышкаморт, кодъяс вӧліны дасьӧсь тышӧ петны.
Став тайӧ тышкайӧзыс, кодъяс вӧліны дасьӧсь тышӧ петны, локтісны Хевронӧ ыджыд кӧсйӧмӧн пуктыны Давидӧс Израильлы ӧксыӧ. Израильсаяс ставныс на моз жӧ ӧти сьӧлӧмӧн кӧсйисны пуктыны Давидӧс ӧксыӧ.
Кык чужанкотырлы да [Манассейлӧн] джын чужанкотырлы Мӧисей сетіс мусӧ Йӧрдан асыввылысь. Левитъяслы мусӧ эз сет.
