Pʉɔ-Lɔ́mɑ 4:1 - Kɑɑ Fí

¹ Tɛ ɛ́ pɑ́Ꞌɑ pɛkŋɛ ɡʉ ńcú ŋɡɔ kʉ̈ɔ́, nǔu nu-Ábɛlɛhɑ̂m ẅi ɑ mɑ̂ɑŋɡɑpnjẅɛt wɛk pɑyúdɑ? A kɑ lɔk mɛtʉʉ-ŋumɛsɔŋ ŋ́ɡẅɛɛ kʉ̈ɔ́?

Pʉɔ-Lɔ́mɑ 4:1 交叉參考

Pʉɔ-Lɔ́mɑ 4:16

Ɛ́ yúu mi ɛ́ ɡɛnɛ, ŋu lɔk pɔ nɛzɑ́p tʉ́m nǔu Sɛ́ lɑ ŋ́ɡẅɛɛ yúu mi pɛ́ kɑ kɑ́Ꞌnɛ. Sɛ́ lɔk pɔ́Ꞌɔ, ŋ́ɡɑ́ pɔ fuꞋ níinɛ yɛ́, ɛ́ lɛɛ pɔ́Ꞌɔ, mbɑ wɔ̌ lɑ́ ẅi ɑ nǔu njẅɛt-Ábɛlɛhɑ̂m ɡẅɛɛ yɛ́ yúu. Tɛ ɛ́ pɔɔ pɔ́ ndɑꞋ pʉɔ pi pɔ́p nɑ́ŋnɛ ńzúꞋ yɔ́p pɔ mbɔ̌ nɛpʉ́ʉ pɔ́, ɛ́ pɛn ḿbɔ́ mbɑ pʉɔ pi pɔ́p zɑ́pnɛ yɔ́p pɔ tʉ́m nǔu Sɛ́ pɑ́Ꞌ Ábɛlɛhɑ̂m. A tɑ́t wɛkŋɛ pɛtsʉʉ pi pɛkŋɛ pʉɔ-Sɛ́.

2 Kɔlɛ̂ŋtɛ 11:22

Pɔ́p lɔk pɔ pɑ́Ꞌ pɔ́p pʉɔ-Hɛbɛlʉʉ ŋ́kɑꞋmɛ kɛkʉ̈ɔ́? Mbɑ mɔ yɑ́ɑ mɔ pɔ wɛcɔ́. Kɛ pɔ pɑ́Ꞌ pɔ́p pʉɔ-Íslɑyɛ̂l? Mbɔ n tʉ́ʉ pɑ́Ꞌɑ ḿbɔ́ pɔ wɛcɔ́. Kɛ pɔ pɑ́Ꞌ pɔ́p pʉɔ nǔu njẅɛt-Ábɛlɛhɑ̂m? Mbɑ mɔ yɑ́ɑ m bɔ́ pɔ wɛcɔ́.

ŊwɑꞋnɛ-Gɑŋntúu Yɛ́su Kɛlístɔ 13:26

Pɔ̂l pɛn ńcú ŋɡɔ: «Pɔ́ɔpɛ́mɑ́, Sɛ́ cú yɔ nu pɔ mbɔ̌ pɛkŋɛ pɛtsʉʉ. Ɛ́ nɛlɔk ŋ́ɡɛ pɛkŋɛ luk. A túu yɔ nu mbɔ̌ pʉʉ ẅí pʉʉ pɔ́ɔ-Ábɛlɛhɑ́m, mbɑ mbɔ̌ pʉʉ ẅí pʉʉ pɔ́knɛ Sɛ́.»

Jɑ̂ŋ 8:56

Tʉ́m tɑ́t wʉ́ʉ Ábɛlɛhɑ̂m kɑ pɔ́ ńtsɑ́ɑtɛ ŋɡɔŋ ŋ́kɑ́ tsʉʉ yi ɑ kɑ pɔ́ ńtsɑ́ɑ nɛjʉ́ɔ ŋkɑ́ yi mɔ ŋ́ɡɛ ńtɔ́. A kɑ kɛ́ ńjʉ́ɔ, ńtsɑ́ɑtɛ tɛꞋ.

Pʉɔ-Lɔ́mɑ 7:7

Pɛ́ lɔk pɑ́Ꞌnɛ ńcú ŋɡɔ nɛpʉ́ʉ-Sɛ́ yúu kɛpɔŋ kɛkʉ̈ɔ́? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́, mbíꞋŋɡɔ ŋ kɑ fú pɔ nǔu nɛpʉ́ʉ ɛ̂nɑ́ lɑ ńjí nu kɛpɔŋ, ɛ́ kɑ pɔ́ pɛ́Ꞌnɛ ɛ́ pɔɔ ńcú ŋɡɔ: «Kɔɔ ɡẅɛɛ kɛ́ɡʉ̈ɔꞋ pɔ́, mbɔ ŋ kɑ́ jí kɛ́ɡʉ̈ɔꞋ pɔ́.»

Mɑtʉ̈ɔ 3:9

Pʉʉ pɑ́ɑ nɛlɔk pɔ ndɑꞋ ntsu wʉ́ʉ ńcú ŋɡɔ: “Pɛk njẅɛt-Ábɛlɛhɑ̂m. Lɑ́ ŋ kɛ́ ɛ́sẅíi wʉ́ʉ, Sɛ́ kuꞋ nɛshɔt mɛŋɡɔꞋ mɔ ńdɔk ŋ́ɡɛ njẅɛt-Ábɛlɛhɑ̂m.”

Pʉɔ-Lɔ́mɑ 8:31

Mbɔ pɛkŋɛ pɛn ŋ́kẅiꞋ kʉ̈ɔ́ nǔu nu yi pɛkŋɛ cúnɛ lɑɑ? Pɑ́Ꞌ Sɛ́ lɑɑ ḿbɔ́ nǔu yɛkŋɛ ɡúŋ, mbɔ wɔ̌ pɛn ŋ́kuꞋ nǔu pɛkŋɛ?

Jɑ̂ŋ 8:53

Ńjí ŋɡɔ ɔ lɔk ŋ́ɡúꞋ ńtsɑ tɑ́t wɛk Ábɛlɛhɑ̂m kíi? A kɑ pfú, pɛŋɡɛ́mndʉ̈ɔ́Ꞌ-Sɛ́ pɛn ḿpfútɛ yɔ́p. Ɔ kwɑŋɛ ŋɡɔ ɔ pɔ́ pɔ kʉ̈ɔ́?

Jɑ̂ŋ 8:33

Pɔ́p pʉ̈ɔt mbɔ̌ wɛ́ ŋɡɔ: «Pɛk pʉɔ nǔu njẅɛt-Ábɛlɛhɑ̂m, pɛk ŋkɑɑ zɛɛ ḿbɔ́ pɛkwɑɑ wɛcɔ́ ŋu pɔ́. Ɔ ɡɛ pɑ́Ꞌɑ ńcú ŋɡɔ nu nɛ́nẅín ɡʉ ńtsúꞋ wɛk?»

Lúkɑ́shi 3:8

Pʉʉ kúp pɔ mɑt, ŋ́ɡɛ mɛnu sʉ́Ꞌnɛ mi ɛ́ nyɛtnɛ ŋɡɔ pʉʉ kúpmɛ. Pʉʉ pɑ́ɑ nɛlɔk ndɑꞋ ntsu wʉ́ʉ ńcú ŋɡɔ: Pɛk pɔ́ɔ-Ábɛlɛhɑm. Lɑ́ ŋ kɛ́ ɛ́sẅíi wʉ́ʉ: Sɛ́ kuꞋ nɛshɔt mɛŋɡɔꞋ mɔnɛ ńdɔk ŋ́ɡɛ njẅɛt-Ábɛlɛhɑ̂m.

Ɛ́bɛlʉʉ 12:9

Pɑ́Ꞌ pɛtɑ́t pɛkŋɛ pɛ́ ndǔ tsɛ́tsɑ́Ꞌ kɑ pɔ́ ŋ́kɑkŋɛ wɛkŋɛ, pɛkŋɛ zúꞋ ntsu wɔ́p lɑ́, tɛ ŋkɑ́ yɛsʉ́Ꞌ pɑ́Ꞌ pɛkŋɛ ɡʉ ńnɔɔ sɛ́ mbi Tɑ́t wɛkŋɛ ẅi ɑ tʉ́nɛ́pú, ɑ ɡɑ́ luk zúꞋu mbɔ̌ pɛkŋɛ?

Pʉɔ-Lɔ́mɑ 6:1

Tɛ ɛ́ pɑ́Ꞌɑ pɛkŋɛ ŋ́ɡɛ ŋɡɔ́ku? Pɛkŋɛ kɛ́ ŋ́kẅiꞋ ŋ́ɡɛ pɔ nu kɛpɔŋ nɛpɔ́ yi Sɛ́ ɡʉ ńdɔk nɛlikŋɛ mɛfɑɑnɛ mɛkŋɛ, pɛ́ tsuŋ ńjʉ́ɔ pɑ́Ꞌ ɑ sɛ́ ŋ́ɡɑ́ fuꞋ níinɛ-pʉɔ kíi?

Pʉɔ-Lɔ́mɑ 1:3

Ẅîwɑ́ Ŋkʉʉ cú nu nǔu Mɔ́ɔ nɛ Yɛ́su Kɛlístɔ ẅí ɑ Tsɑpʉɔ wɛkŋɛ. A kɑ shɔtnɛ ńtsʉ́Ꞌ ŋumɛsɔŋ pɛ́ pí wɛ́ nǔu njẅɛtndɑ́-fɔɔ Ndɑvît.

Pʉɔ-Lɔ́mɑ 3:5

Ḿbɔ́ pɛcɔ́ pʉɔ cú ŋɡɔ: «Mɛnu kɛpɔŋ mi pɛkŋɛ fʉꞋnɛ nɛɡɛ pʉɔ jí ŋɡɔ Sɛ́ ndʉ́ŋndʉŋ, mbɔ pɛkŋɛ ɡʉ ńtsɔ́Ꞌ mbɔ̌ pɔ́p ŋɡɔ kʉ̈ɔ́? Pɛkŋɛ ɡʉ ńcú ŋɡɔ Sɛ́ pɔ́ tɛ ḿbɔ́ ńníꞋ ŋɡʉ̈ɔ́Ꞌ tú pɛkŋɛ ntɛ́ mɛfʉꞋnɛ mɛnu mɛkŋɛ, kɑ́ lɔknɛ ḿbɔ́ ndʉ́ŋndʉŋ pɔ́ kɛkʉ̈ɔ́?» N cú pɑ́Ꞌɑ pɔ́ nu yi pʉɔmɛsɔŋ sɛ́ ńcú.