Pʉɔ-Lɔ́mɑ 2:1 - Kɑɑ Fí

¹ Mbɔ ŋu zɛ nɛtɔ́ lɔ́Ꞌ-pʉɔ pi pɔ́p ɡɛnɛ yîyɑ́ ntɛ́ mɛnu, ɡu ẅí mbɔ ɔ tɔ́, jí ŋɡɔ mbɔ ɔ pɔɔ nɑ́ kɛ́ vu yú ntsɑŋ vunɛ pɔ́, tɛ pɑ́Ꞌ ɔ lɑɑ ńzɛɛ ḿbɔ́ pɔ wɔ̌ lɑ́. Pɔ́Ꞌɔ mbíꞋŋɡɔ ɔ sɛ́ ńtɔ́ lɔ́Ꞌ-pʉɔ lɑ́ ḿbɛn ḿbɔ́ ŋ́ɡɛ yú pɔ pɑ́Ꞌ pɔ́p ńdɔk ɛ́shɔtnɛ ńtɔ́k pɔ lʉɔ ńdɔk ŋ́kút mbʉʉ yu.

Pʉɔ-Lɔ́mɑ 2:1 交叉參考

Lúkɑ́shi 6:37

«Kɔɔ pʉʉ nɑ́ŋ ńtɔ́ lɔ́Ꞌ-pʉɔ ḿbɔ́k Sɛ́ nɛtɔ́ yʉ́ʉ lɔ́Ꞌ! Kɔɔ pʉʉ nɑ́ŋ ŋ́kʉ́ʉnɛ pʉɔ ḿbɔ́k Sɛ́ nɛkʉ́ʉnɛ wʉ́ʉ! Pʉʉ nɑ́ŋ ńdikŋɛ mɛfɑɑnɛ-pʉɔ, sɛ́ likŋɛ mɛfɑɑnɛ mʉ́ʉ.

Pʉɔ-Lɔ́mɑ 2:3

Gu ẅí ɔ tɔ́nɛ mɛlɔ́Ꞌ-pʉɔ pi pɔ́p ɡɛnɛ yîyɑ́ ntɛ́ mɛnu, ḿbɛn ḿbɔ́ ŋ́ɡɛ yú pɔ́Ꞌɔ, ɔ kwɑŋɛ ŋɡɔ ɔ ɡʉ ŋ́ɡɛ pɑ́Ꞌ tɛ ńduk tɛ Sɛ́ pɔɔ níꞋ ŋɡʉ̈ɔ́Ꞌ tú ɡu pɔ́ ɔɔ?

Pʉɔ-Lɔ́mɑ 9:20

Gu ŋumɛsɔŋ, ɔ lɑɑ ḿbíkŋɛ pɔ́Ꞌɔ, mbɔ ɔ wɔ̌ tɛ Sɛ́ cú nu ɔ pɑ́Ꞌ? Mbɔ tsɑ́Ꞌ píkŋɛ mbɔ́ɔtsɑ́Ꞌ ŋɡɔ, ɔ kɑ pɔ́ɔ wɑ́ɑ nǔu yɔ ntɛ́ pɑ́Ꞌnɛ mbíꞋ kʉ̈ɔ́ ɔɔ?

Jɑ̂k 4:11

Pɔ́ɔpɛ́mɑ́ pɑ́ɑ, kɔɔ sẅíitɛ pɔ́ tsɛtsɛt pʉʉ. Ŋu lɑɑ ɛ́sẅíitɛ nǔu mɔ́ɔmɑ́ wɛ, kɛ ńtɔ́ pɔ lɔ́Ꞌ yɛ́ ɔɔ, mbɔ ɑ sẅíitɛ pɔ nǔu nɛpʉ́ʉ, ḿbɛn ńtɔ́ pɔ lɔ́Ꞌ-nɛpʉ́ʉ. Ŋu lɑɑ ŋ́kɛ́ ńtɔ́ lɔ́Ꞌ nɛpʉ́ʉ, mbɔ ɑ kɑ́ pɛn ḿbɔ́ ŋu ẅí ɑ ɡẅɛɛnɛ nɛpʉ́ʉ pɔ́, ɑ tsʉ́Ꞌ ńtɔ́ lɔ́Ꞌ nɛpʉ́ʉ tɔ́nɛ.

Jɑ̂k 2:20

Gɛɡʉʉ yɑ́ɑ, ɔ kɔŋ kʉ̈ɔ́? Mɔ, ŋ ɡʉ ńnyɛt wú ŋɡɔ nɛzɑ́p tʉ́m nǔu Sɛ́ yi ɛ́ kɑ́ ɡẅɛɛ mɛfɑꞋ pɔ́ fɛ̌ɛ.

Lúkɑ́shi 19:22

Fɔɔ tsɔ́Ꞌ mbɔ̌ wɛ́ ŋɡɔ: Ɔ ŋu ŋɡɑŋfɑꞋ kɛpɔŋ. Ŋ ɡɛ ńdɔk pɔ ntsu wú ŋ́ŋɑk wú. Ɔ kɑ jí ŋɡɔ mbɑk-nu yɑɑ tɛn tɛꞋ, ŋɡɔ n dɔ ḿbɛ́ɛ yúu zʉꞋ yi ŋ kɑ́ nɔŋ, ńtsɔ́Ꞌ yúu zʉꞋ yi ŋ kɑ́ pi.

1 Kɔlɛ̂ŋtɛ 7:16

Ɛ́ zɛɛ ŋ́ɡɔ ḿbɔ́, ɡu ẅi ɔ mɑŋɡɛ́, ḿbɔ́ ŋu-Kɛlístɔ, mbɔ ɔ ɡɛ pɑ́Ꞌ lɑ́ ńtsuŋ ńjí ŋɡɔ ɔ ɡʉ ńdɑ́Ꞌ ŋ́ɡɛ tɛ ndúu mu luk? Kɛ ɡu ẅi ɔ ŋu mbɛ́ɛnɛ, ḿbɔ́ ŋu-Kɛlístɔ, mbɔ ɔ ɡɛ pɑ́Ꞌ lɑ́ ńjí ŋɡɔ ɔ ɡʉ ńdɑ́Ꞌ ŋ́ɡɛ tɛ nzwɛ́ wu luk?

Lúkɑ́shi 12:14

Yɛ́su tsɔ́Ꞌ mbɔ̌ wɛ́ ŋɡɔ: «Wɔ̌ kɑ zɑ́pnɛ wɑ́ɑ nɛŋɑk mɛntsɑŋ mʉ́ʉ, kɛ pɔ nɛɡɑp yúu pʉ́ʉ ŋ́ɡɑ́ mbɔ̌ pʉʉ?»

Pʉɔ-Lɔ́mɑ 2:2

Pɛkŋɛ zɛɛ ńjí ŋɡɔ Sɛ́ pɔ́ tɛ ḿbɔ́ ŋ́ŋɑk pʉɔ pi pɔ́p ɡɛnɛ yîyɑ́ ntɛ́ mɛnu, ŋ́ŋɑk wɔ́p pɔ pɑ́Ꞌ mɛnu mɔ́p sɛ́ ḿbíkŋɛ.

Pʉɔ-Lɔ́mɑ 3:9

Tɛ ɛ́ pɑ́Ꞌnɛ ḿbɔ́ pɛkŋɛ cú ŋɡɔ kʉ̈ɔ́? Ŋɡɔ ɛ́ mbi Sɛ́ pɛk pɑyúdɑ lɛɛ pʉɔ pi pɔ́p kɑ́ pɔ́ pɑyúdɑ pɔ́ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Mɔ ńdɑ́Ꞌmɔ́ ńdɛꞋlɛ pɑ́Ꞌ nu kɛpɔŋ ńjʉ́ mɔ́ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 14:22

Ɔ lɑɑ ŋ́ɡʉ nǔu pɔ yúu ńjí ŋɡɔ kʉ̈ɔ́ tsɛt tʉ́m yu ɔɔ, pʉʉ Sɛ́ jínɛ. Pɔ́ttú ɑ ŋu ẅí tʉ́m yɛ́ kɑ́ pɔ́ ɛ́sɑ́Ꞌ wɛ́ nǔu yúu mi ɑ ɡʉ ŋ́ɡɛ pɔ́.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.