Jɑ̂ŋ 8:9 - Kɑɑ Fí

⁹ Pʉɔ zúꞋ yɔ sẅiŋɛ, ńzɛ nɛɡʉtɛ pɔ wɛ́mɔ́Ꞌɔ wɛ́mɔ́Ꞌɔ, ńzɛ nǔu pɛlʉ́m. Tɛ ɑ tsʉꞋ Yɛ́su zɛ́nɛ́jʉ́, mɑŋɡɛ́ ɛ̂wɑ́ kɛ́ ḿbɛ́t ńtʉ́ʉ pɔ zúꞋu.

Jɑ̂ŋ 8:9 交叉參考

Lúkɑ́shi 13:17

Yɛ́su pɔ́ ńcú pɔ́Ꞌɔ, sʉ́ʉ kɔ́ ɡɑŋmbuu pɛ́, lɑ́ nɛlʉ́m pʉɔ zúꞋu ḿbɔ́ ńtsɑ́ɑtɛ tsɑ́ɑtɛ́nɛ nǔu mɔ mɛnu sʉ́Ꞌnɛ tsʉʉ mi Yɛ́su ɡɛnɛ.

Jɑ̂ŋ 8:10

Yɛ́su pʉꞋ mbʉʉ yɛ́, ńcú mbɔ̌ wɛ́ ŋɡɔ: «Mɑ́ɑmɑɑ, pɔ́p pɔ́ ɡɔ́? Sɑ̌ɑ ŋu kɑ́ tɛ́m wú pɔ́ ɔɔ?»

Jɑ̂ŋ 8:12

Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»

Jɑ̂ŋ 8:2

ŋ́ɡɛ ḿmʉ́ʉ mbɑ́ꞋmbɑꞋɑ́ ḿbɛn ndɑ́-nɔŋpɔꞋ. Lɑ́Ꞌ pɔ́ ńtɔ́ nɛ́ nɛjɔ́ŋ yɛ́, ɑ nɑ́ŋ sɛ́, ḿbɔ́ ńzíꞋ wɔ́p nɛ́ yúu.

Jɑ̂ŋ 8:3

Pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy nɑ́ŋ tɛ ńdɔk wɛcɔ́ mɑŋɡɛ́ ńtɔ́, mbɔ pɛ́ kɛm wɛ́ ɑ pɔ́ ŋ́ɡɛ ɡɑ́ɑ. Pɔ́p tík wɛ́ mbi pʉɔ tsʉʉ.

Jɑ̂ŋ 8:8

Ńcú pɔ́Ꞌɔ, ḿbɛn ŋ́ŋɔ́Ꞌnɛ sɛ́, ḿbɛn ńzɛ nɛlɔk mɔ́ɔ-tɔ̂pɔ́ wɛ, ŋ́kɑtɛ yúu sɛ́.

Pʉɔ-Lɔ́mɑ 2:15

Pɔ́p lɔk pɔ́Ꞌɔ, ńnyɛt ŋɡɔ mɛfɑꞋ mi nɛpʉ́ʉ sɛ́ ḿbíkŋɛ ŋɡɔ pɛ́ fɑꞋ, Sɛ́ kɑ ŋwɑꞋnɛ tsɛt tʉ́m pɔ́p, tɛ mbʉʉ yɔp pɔ́ ḿbɛ́m ŋɡɔ ɛ́ nu nɛ́nẅín. Kwɑŋɛ yɔ́p ɡʉ ŋkɑ́ yi ɛ́ ɡʉ ŋ́ŋɑk wɔ́p, ńdɔk pɔ mɛfɑꞋ ɛ̂mɑ́ ŋ́ŋɑk wɔ́p, ŋ́ɡʉ ŋkɑ́ yi ɛ́ ḿbɛꞋ mɛlɑꞋ mɔ́p ḿbɛn ŋ́ɡɛ pɔ pɔ́Ꞌɔ.

Pʉɔ-Lɔ́mɑ 2:22

Ɔ sɛ́ ḿbʉ́ʉ ŋɡɔ kɔɔ pɛ́ ɡɛ ɡɑp, ḿbɛn ḿbɔ́ ŋɡɛɡɑp, ḿbɔ́ ŋɡɔ kɔɔ pɛ́ ɡúꞋlɛ mɛsɛ́, ḿbɛn ḿbɔ́ ŋ́ɡʉ nǔu mɛzʉꞋ mi pɛ́ ɡúꞋlɛ́nɛ wɔ́p zúꞋu, ńjʉ́ yúu mi pɛ́ lɔknɛ ŋ́ɡúꞋlɛ wɔ́p.

1 Jɑ̂ŋ 3:20

Tʉ́m yɛkŋɛ lɑɑ ńzɛɛ ɛ́sɑ́Ꞌ wɛkŋɛ, mbɔ pɛkŋɛ sɛ́ ńjí ŋɡɔ Sɛ́ ɡúꞋ ńdɛɛ tʉ́m yɛkŋɛ ḿbɛn ḿbɔ́ ńjí nu tsʉʉ.