Filipɛ 3:15 - Kɑɑ Fí

¹⁵ Pɛkŋɛ pi pɛkŋɛ tsʉ́Ꞌnɛ pɔ pɛlʉ́m nǔu nɛzúꞋ nu-Sɛ́ lɑɑ, ɛ́ pɔŋ ŋɡɔ yɛkŋɛ kwɑŋɛ pɔ́ pɔ pɑ́Ꞌɑ, ŋ́kɛ́ ḿbɔ́ yi pɛcɔ́ pʉɔ pʉ́ʉ ɡẅɛɛ yɛcɔ́ kwɑŋɛ tɛ ɛ́ pɔɔ yɑ́ɑ pɔ́, mbɔ Sɛ́ ɡʉ ɛ́sɑ́ɑnɛ sɑ́ɑnɛ́nɛ, ɛ́sẅíi wʉ́ʉ nɛ́ nu ɛ̂yɑ́.

Filipɛ 3:15 交叉參考

Jɑ̂ŋ 7:17

Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.

Ŋɡɑlɑ̂t 5:10

Lɑ́ Tsɑpʉɔ kɛ́ ḿbɔ́ ŋ́ɡɛ n jí ŋɡɔ pʉʉ kɛ́ kẅiꞋ yɛcɔ́ yúu nǔu yúu mi ŋ kɑ zíꞋnɛ wʉ́ʉ pɔ́. M bɛn ḿbɔ́ ńjí ŋɡɔ ŋu ẅí ɑ sɛ́ ḿmɑꞋ ntɑkŋɛ tsɛtsɛt pʉʉ, ɑ lɑɑ ḿbɔ́ pɔ wɔ̌ lɑ́ ɔɔ, mbɔ Sɛ́ ɡʉ ŋ́ɡɛ ńzɑ́Ꞌ ntsɑŋ yɛ́.

1 Kɔlɛ̂ŋtɛ 2:6

Pɛk pɛn ŋ́kɛ́ ŋ́ɡʉ nǔu pʉɔ-Kɛlístɔ pi pɔ́p tsʉklɛnɛ nǔu nɛzɑ́p tʉ́m nǔu Sɛ́, ńzíꞋ wɔ́p nɛ́ jínu. Lɑ́ yîyɑ́ jínu kɛ́ mbɔɔ jínu yɔ mbí pɔ́, ŋ́kɛ́ mbɔɔ jínu yi ɛ́ fúnɛ mbɔ̌ yúu kɛpɔŋ yi ɛ́ sɑ́Ꞌnɛ yɔ mbí, ḿbɔ́ mi pɛ́ ɡʉ ŋ́ɡɛ ḿbík pɔ́.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

1 Kɔlɛ̂ŋtɛ 14:20

Pɔ́ɔpɛ́mɑ́ pɑ́ɑ, kɔɔ pʉʉ tsʉ́Ꞌ nɛsɑ́ŋ nu, ɛ́sɑ́ŋ pɑ́Ꞌ mbɔ́ŋkʉ̈ɔ́ lɑ́. Pʉʉ ɡʉ nǔu nu kɛpɔŋ ḿbɔ́ pɔ pɛɡɛɡʉʉ. Lɑ́ ŋ́ɡʉ nǔu nɛsɑ́ŋ nu, ńnyɛt ŋɡɔ pʉʉ tsʉklɛ.

Mɑtʉ̈ɔ 5:48

Pɔ́Ꞌɔ lɑ́, pʉʉ pɔ́ pɑ kɛ́ lɔ́Ꞌ, pɑ́Ꞌ Tɑ̌ɑ wʉʉ ẅí ɑ tʉ́nɛ́pú kɛ́ lɔ́Ꞌ.»

Ɛ́bɛlʉʉ 5:14

Lɑ́ ŋ́ɡʉ nǔu pʉɔ pi pɔ́p tsʉklɛ́nɛ, mbɔ pɔ́p ŋ́kwɛ́t pɔ yúupɛ́jʉ́ pi ɛ́ tɛntɛ́nɛ. Pɔ́p pʉɔ pi pɔ́p kɑ zíꞋ mɔ́ tɛ ŋ́ɡẅɛɛ mɑt nɛsɑ́ŋ nu, ńjí yi sʉ́Ꞌnɛ, ńjí yi kɛpɔŋ.

Kɔlɔsíyɛ̂ŋ 1:28

Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

Pʉɔ-Lɔ́mɑ 15:1

Yúu mi pɛkŋɛ ɡẅɛɛ nɛɡɛ ɛ́ ŋɡɔ pʉɔ pi pɔ́p lɔk nu-Sɛ́ ńjí yúu mi pɔ́p ɡʉ ŋ́ɡɛ, ɡẅɛɛ nɛlɔk tʉ́m sʉ́Ꞌnɛ ńcẅɛ́lɛ pʉɔ pi pɔ́p kɑ́ pɔ́ ńjí pɑ́Ꞌ pɔ́p pɔ́. Ŋu kɑ́ ɡẅɛɛ nɛɡɛ yúu mi ɛ́ pɔŋnɛ pɔ wɛ́ pɔ́.

Lúkɑ́shi 11:13

Pʉʉ pʉɔ fʉꞋ nu kɛpɔŋ tɛꞋ, lɑ́ ńjí nɛɡɑ́ yúu sʉ́Ꞌnɛ mbɔ̌ pɔ́ɔ pʉ́ʉ. Tɛ ŋkɑ́ yɛ́sʉ́Ꞌʉ́ nǔu Tɑ̌ɑ wʉʉ ẅi ɑ tʉ́nɛ́pú? A ɡɛ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉɔ pinɛ pɔ́p lɔ́ɔnɛ?»

1 Jɑ̂ŋ 2:5

Lɑ́ ŋu ẅí ɑ kúꞋlɛ́nɛ sẅiŋɛ-Sɛ́, ɑ ŋu ẅí ɑ tsuŋ ŋ́kɔŋ Sɛ́ tɛ ɛ́sẅíi nu. Yɔ pɑ́Ꞌ pɛkŋɛ lɔknɛ ńjí ŋɡɔ pɛkŋɛ pɛ Sɛ́ kɑ tɛmtɛ.

2 Timɔtɛ́ɛ 3:17

Ɛ́ lɛɛ pɔ́Ꞌɔ, ŋu ɑ fɑꞋnɛ fɑꞋ-Sɛ́ niitɛ mbʉʉ yɛ kwɑꞋ sʉ́Ꞌnɛ, ŋ́kuꞋ nɛɡẅɛɛ kʉ̈ɔ́ lɑ́ yi mbɔ ɑ lɔk ŋ́ɡɛ nu tsʉʉ yi ɛ́ pɔŋnɛ.

Jɑ̂ŋ 6:45

Pɛ́ kɑ ŋwɑꞋnɛ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ ŋɡɔ: «Sɛ́ nɛ́ tú mbʉʉ yɛ́ ɡʉ ńdɑ́Ꞌ ńzíꞋ nu yɛ́ mbɔ̌ pʉɔ tsʉʉ. Ŋu lɑɑ ńzúꞋ nu yi ɛ́ fúnɛ mbɔ̌ Tɑ̌ɑ, ḿbɛ́m yúu mi ɑ zíꞋnɛ pʉɔ, mbɔ ẅîwɑ́ ŋu ɡʉ tɔ́ ńtsɛ́t wɑ́ɑ.

Ɛ́fɛ̂zɛ 1:17

Mɔ sɛ́ ḿbúꞋ mbɔ́ mbɔ̌ Sɛ́ Tsɑpʉɔ wɛkŋɛ Yɛ́su Kɛlístɔ, jʉ́ ẅi ɑ ɡẅɛɛnɛ nɛɡúꞋ, ŋɡɔ ɑ ɡɑ́ wʉ́ʉ nɛ́ jínu, ŋ́ɡɑ́ wʉ́ʉ nɛ́ shʉ́ nɛlɔk ńtsuŋ ńjí wɛ́ tɛ ɛ́sẅíi nu.

1 Tɛsɑlɔník 4:9

Yɛcɔ́ yúu mi m bɔ́ ŋ́ŋwɑꞋnɛ ŋ́ɡɑ́ mbɔ̌ pʉʉ ntɛ́ ŋkɔŋɛ tsɛtsɛt pɔ́ɔpɛ́mɑ́ ɛ́ kɑ́ pɔ́ ɡú pɔ́, n cú mbíꞋŋɡɔ pʉʉ kɑ zíꞋ pɔ kwɑꞋ mbɔ̌ Sɛ́ nɛkɔŋ mɛmbʉʉ mʉ́ʉ.