7 چمُّن چه بازێن اَندۆهان نِزۆر بوتگ‌اَنت و چه بازێن دژمنان تهار.
وهدے چُپّ و بێتئوار اتان هَڈّ و بندُن پوسّان اتنت، چه سجّهێن رۆچئے زاری و پریاتان.
دلُن مان سێنَگا کُپ کُپّا اِنت، واک و توانُن در شتگ، چمّانی رُژنایی هم گار اِنت.
آ که بێسئوَب چه من نپرتَ کننت چه منی سرئے مودان گێشتر اَنت. بازێنے منی گار کنگئے رندا اِنت دژمن منی سرا درۆگێن بُهتامَ جننت. چه من لۆٹنت هما چیزّان پِر بترّێنان که من ندُزّتگ‌اَنت.
منی چمّ چه اندۆها تهار بوتگ‌اَنت. او هُداوند! هر رۆچ ترا تئوارَ کنان و دستان په تئو شَهاران.
