6 وتی کارانی زۆری وتی کئومارا پێش داشتگ، درکئومانی میراسی وتی کئومارا داتگ‌اَنت.
آییا وتی راه په موسّایا زاهر کرتنت و وتی کار په اِسراییلئے کئوما.
تانکه سجّهێن بنی‌آدم تئیی زۆراورێن کاران جار بِجننت، تئیی بادشاهیئے شان و شئوکتا.
چه من بلۆٹ تان کئومان تئیی میراس بکنان و زمینئے چارێن کُنڈانی راجان تئیی سئوگات.
تئو گۆن وتی دستا کئوم در کرتنت، بله مئے پت و پیرێن سبز کرتنت. کئومِت درُشتنت و مئے پت و پیرێن شاهگانی بَکشاتنت.
نه آیانی زهمانی زۆر اَت که مُلکِش گپت نه که باسک و بازووان سۆبێن کرتنت. اے تئیی راستێن دست اَت، تئیی باسک و چِهرگئے رُژن، چیا که آیانی سرا مهربان اتئے.
او هُدا! تئو منی بادشاه ائے. په آکوبا پێرۆزیئے هُکما بُرّ.
تئو انگورئے درچکے چه مِسرا گوَتک، تئو کئوم ڈنّا در کرتنت و اے درچک کِشت.
