14 چێا که تئیی هزمتکاران اے شهرئے سِنگ دۆست اَنت و سَهیونئے هاکئے سرا هم بزّگِشَ بیت.
او هُداوند! وهد آتکگ که تئو کارے بکنئے، چێا که تئیی شَریَتا پرۆشنت.
او هُدا! کئومان تئیی میراس گِپتگ، تئیی پاکێن پرستشگاهِش پلیت کرتگ و اورشَلیم، وئیران.
او هُداوند! په وتی سجّهێن اَدل و اِنساپا بچار و وتی هِژم و گَزبا چه وتی شهر اورشَلیما، چه وتی پاکێن کۆها بٹگلێن. مئے گناه و مئے پیرێنانی رَدکاریانی سئوَبا، سجّهێن همساهگێن کئوم اورشَلیما و تئیی کئوما کَلاگَ بندنت.
