4 آییئے دروازگان گۆن شُگرگزاری بپُترێت و آییئے بارگاها گۆن ستا و سنا. آییئے شُگرا بگرێت و آییئے ناما بساڑاێت،
چۆن وَشّ، مئے پاد چه تئیی دروازگان پُتِرتگ و اۆشتاتگ‌اَنت، او اورشَلیم!
همۆدا که کبیلهَ رئونت، هُداوندئے کبیله که هُداوندئے ناما بنازێننت هما اَهد و کَرارئے هسابا که اِسراییلا دئیگ بوتگ.
او هُدا! سَهیونا ستا و سنا تئیی ودارا اِنت، گۆن تئو مئے کئول پورهَ بنت.
گۆن سۆچگی کُربانیگان تئیی درگاها کایان و گۆن تئو وتی کئولان پورهَ کنان،
بیاێت په شُگرگزاری آییئے بارگاها رئوێن، په شادهی کوکّارَ کنێن، سئوتَ جنێن و آییا ستا کنێن،
هُداوندا بنازێنێت، آییئے ناما ستا کنێت. هر رۆچ هما نجاتئے جارا بجنێت که چه آییئے نێمگا اِنت.
هُداوندئے نامئے مزنیا بنازێنێت، کُربانیگ بیارێت و آییئے بارگاها بیاێت.
تئیی مزن و باکَمالێن ناما ستا کناتنت، هُداوند پاک اِنت.
