مَتّا 2:8 - هُدائے پاکێن کتاب، بلۆچی زبانا

⁸ رندا آییا نجومی په هما نُنُّکئے شۆهاز و در گێجگا بئیت‌لَهِما راه داتنت و گوَشتی: ”برئوێت و اے چُکّئے بارئوا شَرّ پَٹّ و پۆل بکنێت، وهدے شما در گێتک، منا سهیگ بکنێت تان من هم په آییئے پرستش کنگا برئوان.“

مَتّا 2:8 交叉參考

مَتّا 2:1

بادشاه هیرودیسئے اَهد و باریگا، وهدے ایسّا یَهودیَهئے دَمگئے شهر بئیت‌لَهِما پێدا بوتگ‌اَت، گڑا چه رۆدراتکا لهتێن نجومی اورشَلیمئے شهرا آتک.

مَتّا 2:7

گڑا هیرودیسا نجومی چێراَندری لۆٹتنت و آ اِستارئے در آیگ و زاهر بئیگئے اَلّمێن وهدی جُست کرت که کدێن اَت.

مَتّا 2:9

بادشاهئے هبرانی اِشکنگا رند، نجومی راه گپتنت. راها رئوان، هما اِستار که آیان در آیگا دیستگ‌اَت، آیانی دێما پێش کپان، هما جاگهئے سَربُرا اۆشتات، که نُنُّک اۆدا اَت.