5 پِرئونا گۆن ایسُّپا گوَشت: ”نون که تئیی پت و برات تئیی کرّا آتکگ‌اَنت،
آیان گۆن پِرئونا چُش هم گوَشت: ”ما آتکگێن که چیزّے وهدا همِدا بنندێن، چێا که کَنهانا سکّێن مزنێن ڈُکّالے کپتگ و په تئیی کَسترانی رمگان کهچر و چراگاه نێست. مئے دَزبندی اِنت، وتی کَستران رزا بدئے که گۆشِنا جَهمنند ببنت.“
مِسرئے سرڈگار تئیی دێما اِنت. وتی پت و براتان مُلکئے شَرترێن جاگها نادێن. بِلّی گۆشِنئے دَمگا نِندنت. اگن آیانی تها بودی و زرِنگێن مردمَ گِندئے، منی مال و دَلوَتان همایانی دستا بدئے.“
