1 همے وهدا یَهودایا وتی برات یله داتنت و شت و هیرا نامێن مردێئے کِرّا جَهمنند بوت. هیرا اَدُلّامیے اَت.
مزنێن مُدّتێا رند یَهودائے جَن که شۆهائے جنکّ اَت، مُرت. وهدے یَهودا چه پُرسا پاد آتک، تِمنَهئے شهرا وتی پَس‌چێنانی کِرّا شت. آییئے سنگت هیرا اَدُلّامی آییئے همراه اَت.
یَهودایا گۆن وتی اَدُلّامی سنگتا گوَشت که شِنکّا بر و زَمانَتئے چیزّان چه جنێنئے کِرّا پچ گِر و بیار. بله سنگتا جنێن ندیست.
