31 گڑا، براتان! ما مۆلِدێن جنئے چُکّ نه‌اێن، آزاتێن جنئے چُکّ اێن.
گڑا، اگن چُکّ شمارا آزات بکنت، په راستی آزاتَ بێت.
چێا که پاکێن کتابا نبشته اِنت که اِبراهێما دو مردێن‌چُکّ هست‌اَت، یکّے چه مۆلِدێن جنا و یکّے چه آزاتێنا.
بله پاکێن کتاب چے گوشیت؟ ”مۆلِدێن جن و آییئے چُکّا گَلّێن، چێا که مۆلِدێن جنئے چُکّ گۆن آزاتێن جنئے چُکّا هچبر هم‌میراسَ نبیت.“
مَسیها مارا آزات کرت که ما آزات ببێن. گڑا مُهر بۆشتێت، وتارا پدا گُلامیئے جُگئے چێرا رئوَگا مئیلێت.
او براتان! شما گْوانک جنَگ بوتگێت که آزات ببێت، بله چۆ مبیت که اے آزاتی په شمئے گُنهکارێن تَب و سَرِشتا مۆهے ببیت. اِشیئے بدلا په مِهر یکدومیئے هِزمتا بکنێت.
