4 بله هُداوند اِسراییلی و مِسریانی مال و دَلوَتانی نیاما پرک و پێرَ کنت و چه اِسراییلیانی مال و دَلوَتان یکّے هم نمریت.“‘“
تان سئے رۆچا کسّا کسّ ندیست و کسّ چه وتی جاگها پاد نئیاتک. بله اِسراییلیانی سجّهێن هَنکێن رُژنا اَتنت.
لۆگان پِر مُشتگێن اے هۆن شمئے نِشانیَ بیت که اِدا شما اێت. من اے هۆنان که گِندان، چه شما سرَ گوَزان و وهدے مِسرا تباهیئے کَهرے دئورَ دئیان، اے کَهر شمئے سرا نکپیت.
جادوگران گۆن پِرئونا گوَشت: ”اے هُدایی کارے.“ بله هما پئیما که هُداوندا گوَشتگ‌اَت، پِرئونئے دل سِنگ اَت و موسّا و هارونئے هبری گۆش نداشتنت.
بله آ رۆچا من گۆشِنئے دَمگا که اۆدا منی مهلوک نِشتگ، اے کَهرا نئیاران. اۆدا مَکِسک‌گرَندَ نبیت. اے پئیما تئو زانئے که اے مُلکا هُداوند من آن.
تهنا گۆشِنئے دَمگا ترۆنگلا نگوَرت، همۆدا که بنی اِسراییل نِشتگ‌اَت.
هُداوندا یکّ وهدے گیشّێنت و گوَشتی: ”باندا اے مُلکا منِ هُداوند اے کارا کنان.“
دومی رۆچا هُداوندا اے کار کرت. مِسریانی سجّهێن مال و دَلوَت مُرتنت، بله چه اِسراییلیانی مال و دَلوَتان یکّے هم نمُرت.
