29 چه هارونا رند هارونئے پاکێن گُد آییئے چُکّانیگَ بنت که آ همے گُدانی تها رۆگن پِر مُشگ ببنت و آیانی پاگبَندیئے رَسم سَرجم کنگ ببیت.
په وتی برات هارونا پاکێن گُد تئیار کن که هارونا بْرَهدار و شاندار بکننت.
اے چه اِسراییلیانی نێمگا په هارون و آییئے چُکّان ابدمانێن شُگرانهے، چه هما همدلیئے کُربانیگان که اِسراییلی په هُداوندا کننتِش.
هما چُکّ که هارونئے جاگها دینی پێشوا بیت و تَمبوئے تها پاکێن جاگها رئوت و هِزمتَ کنت، اِشان تان هپت رۆچا گوَرا بکنت.
هارون و آییئے چُکّان رۆگن پِر مُش و وَپْکِش کن که دینی پێشوا ببنت و منی هِزمتا بکننت.
اَنچۆ که تئو آیانی پت رۆگن پِر مُشتگ، آیانی جندا هم رۆگن پِر مُش که دینی پێشوا ببنت و منی هِزمتا بکننت. گۆن رۆگن پِر مُشگا آیان دینی پێشواییَ رسیت و اے پێشوایی اَبدمانَ بیت، نَسلانی نَسل.“
