31 اێپۆدئے کباها سَرجمیا چه آسمان‌رنگێن گُدا اَڈّ کن.
سێنَگ‌پۆشئے کَڑیان گۆن آسمان‌رنگێن بندان اێپۆدئے کَڑیان اَنچۆ بند که سێنَگ‌پۆش اێپۆدئے بندئے سربرا ببیت و چه اێپۆدا مَسُریت.
کباها گُٹّے پِر ببیت. گُٹّئے چپّ و چاگردا کالارئے پئیمێن دَزگواپێن کِناریے پِر ببیت که گُٹّ مَدِریت.
اِش اَنت هما پۆشاک که تئیار کنگی اَنت: سێنَگ‌پۆشے، اێپۆدے، کباهے، نَکش نَکشێن جامگے، پاگے و لانکیگے. په تئیی برات هارون و آییئے مَردێن‌چُکّان اے پۆشاکان تئیار بکننت که هارون و چُکّ دینی پێشوا ببنت و منی هِزمتا بکننت.
گُد و پۆشاکان بزور و جامَگ و اێپۆدئے کباه و اێپۆد و سێنَگ‌پۆشا هارونئے گوَرا دئے. اێپۆدا گۆن اێپۆدئے بندا بند.
