36 بله اگن مردمَ زاننت که آ گۆکا پێسرا هم کانٹ جتگ و اَنگت واهندا گۆک نبستگ، گڑا آ واهُند گۆکئے بدلا گۆکے بدنت و مُرتگێنا بزوریت.“
بله اگن آ گۆکا پێسرا هم کانٹ جتگ و آییئے واهُندِش هال داتگ و هُژّار کرتگ، و واهندا اَنگت گۆک نبستگ و آ گۆکا مردێن یا جنێنے کُشت، گۆک سِنگسار کنگ ببیت و واهند هم مَرکئے سِزا دئیگ ببیت.
اگن کَسێئے گۆکا همساهگێئے گۆک جت و آ گۆک مُرت، گۆکانی واهُند جنۆکێن گۆکا بها بکننت و زَرّان نێم بکننت، مُرتگێن دَلوَتا هم نێم بکننت.
”اگن کَسێا گۆکے یا پَسے دُزِّت و هلار کرت یا بهایی کرت، گڑا گۆکئے بدلا پنچ گۆک و پَسئے بدلا چار پَس بدنت.
