Zekariah 7:3 - Hawaii Pidgin Bible

³ Dey suppose to tell da pries guys inside da Temple fo Da One In Charge, Da God Ova All Da Armies, an da guys dat talk fo Da One In Charge, fo tell dis: “Wat? We suppose to stay sad inside an no eat food da month numba five, jalike we stay do fo plenny year?”

Zekariah 7:3 交叉參考

Zekariah 8:19

Dis wat he tell: “You Judah guys make four spesho religious ceremonies wen you no eat so you can pray. Az cuz you stay sad inside an no foget how Jerusalem town wen come all bus up. You do um wen da summa start, da middo a summa, da autumn, an da winta time. But from now, you guys goin make da spesho religious ceremonies come real good fo da Judah peopo! You guys goin come real good inside, an dance an sing. But still yet, you guys gotta show love an aloha fo tell da trut, an show love an aloha fo live togedda an no fight!”

Malakai 2:7

Az why, wen da pries guys talk, dass wea you go fo learn stuff, an tell dem fo teach you da Rules From God. Cuz da pries guys, dey da messenja guys fo Da One In Charge, Da God Ova All Da Armies!

1 Corint 7:5

No hold back from each odda. Can fo short time, but ony if da husban an da wife tell each odda dey goin hold back fo make time fo pray. An den dey come back togedda, so Satan no can presha you guys fo fool aroun behind da odda one back. But if you no come back togedda fas, you no goin be strong enuff fo tell Satan “No!”

Matthew 9:15

Jesus tell um, “Wat you tink? You go one wedding an make sad face an cry wen da guy dat stay get married stay dea? No way! Bumbye, da time goin come wen dey goin take away da guy dat stay get married, an den, dat time, his frenz goin skip food.

Zekariah 7:5

“Tell all da peopo inside da land, an da pries guys, dis: Fo da las seventy year, da times you guys no eat so you can pray, an you stay sad inside, wen get da summa an da autumn, was fo real kine dat you guys no eat so you can pray to me, o wat?!

Haggai 2:11

“Dis wat Da One In Charge, Da God Ova All Da Armies, tell: ‘Aks da pries guys wat da rules tell:

Joel 2:17

Let da pries guys dat work in front Da One In Charge Cry wen dey go from da temple lanai to da altar. Let dem tell, “Da One In Charge, try show pity fo yoa peopo. No let da odda peopos talk bad bout yoa property! No good da odda peopos tell each odda, ‘Wea dea God stay?’ ”

Hosea 4:6

My peopo stay coming wipe out Cuz dey donno me. An cuz you pries guys no like know me, Az why I no like let you guys be my pries guys. You guys foget da teaching Dat come from me, yoa God, Da One In Charge, Az why I goin foget yoa kids.

Teacha 3:4

One time fo cry An one time fo laugh, One time fo stay sad inside An one time fo dance.

Rules Secon Time 33:10

Da Levi guys teach yoa rules to da odda Jacob peopo, (Az da Israel peopo), An dey teach how you make diffren kine To da good peopo an da bad peopo. Da Levi guys burn incense in front you, An make burn up kine sacrifices on top yoa altar.

Ezra 3:10

Afta da builda guys pau make da foundation fo da Temple Fo Da One In Charge, da pries guys wen put on dea pries kine robe. Dey stan da place dey suppose to stan an blow dea trumpets. Da Levi ohana guys dat come from Asaf, dey bang cymbals fo tell good tings bout Da One In Charge, jalike King David befo time tell dey suppose to do.

Zekariah 7:4

Den Da One In Charge, da God Ova All Da Armies, give me, Zekariah, one message: