Zekariah 1:4 - Hawaii Pidgin Bible

⁴ No make jalike yoa ancesta guys! Da guys dat wen talk fo me befo time wen tell dem: ‘Dis wat Da One In Charge, Da God Ova All Da Armies, tell: “Turn aroun from da bad kine stuff you guys stay do.” But dey neva lissen me.’ Dass da message from Da One In Charge.”

Zekariah 1:4 交叉參考

Songs 78:8

God no like fo dem ack Jalike dea ancesta guys, Cuz da peopo from dat time, Dey get hard head, An neva like do wat God tell um fo do. Dose peopo, dey neva make shua Dey stay solid inside, Cuz da way dey stay inside, God no trus um.

Ezekiel 33:11

“Tell um, ‘Fo shua az me Da One In Charge, da Boss, tell dis. I stay alive! An fo shua, no ways I stay good inside wen one bad kine guy mahke. Mo betta dey no do no moa da bad kine stuff dey wen do. Den dey goin stay alive fo real kine! No do da bad kine stuff no moa! Run away from all dat! How come you ack jalike you like mahke, you Israel peopo?!’

Jeremiah 35:15

Plenny times, I tell all my worka guys dat talk fo me fo go by you guys. Dey tell you: All you guys, one by one, no do da bad kine stuff you guys stay do no moa. You gotta start fo do wass right. No follow da odda gods an work fo dem. Den fo shua you guys can come back fo live on top da land I wen give you guys an yoa ancesta guys. But you guys still no use yoa ears fo lissen me.

Zekariah 1:3

Now, you gotta tell da peopo dis: “ ‘Me, Da One In Charge, Da God Ova All Da Armies, tell dis: Go come back by me, an I goin come back by you guys!’ Dass wat Da One In Charge, Da God Ova All Da Armies, tell!

1 Peter 1:18

You guys know dat Christ wen pay da price fo cut you guys loose from da wase time kine life dat yoa ancesta guys wen pass on to you. But Christ neva pay da price fo you guys wit da kine silva o gold money dat no las foeva, you know.

Jesus Guys 26:20

Firs I go by da peopo inside Damascus, an den inside Jerusalem an all ova Judea. An I tell da peopo dass not Jew guys too dat dey gotta come sorry fo all da bad kine stuff dey do, an turn to God. An dey gotta show dat dey sorry fo real kine by da good kine stuff dey stay do.

Jesus Guys 3:19

“So den, you guys gotta change how you tink an no do all da bad kine stuff you stay do befo time. You gotta stay tight wit God. Den he goin hemo yoa shame fo all da bad kine stuff you guys wen do.

Micah 2:6

Da bulaia guys dat tell dey talk fo God, dey ack jalike dey da ones, an not me, stay talk fo God! Dey tell me, “Eh! Micah! No talk bout all dat kine stuff Jalike you da one stay talk fo God fo real kine! Da bad kine troubles dat you talk bout, No goin happen to us guys! God no goin make us come shame!”

Amos 5:24

Mo betta, wen you judge da right way bout eryting, Goin be jalike get one big riva dat erytime get watta inside. Wen you do da right ting erytime, Az jalike one riva dat no dry up eva.”

Hosea 14:1

Hosea tell: “You Israel peopo, come back by oua God, Da One In Charge. All da bad kine stuff you guys wen do, Az wat wen bring you guys down!

Jeremiah 44:16

“No ways! We no goin lissen wat you tell us guys, no matta you tell us you stay talk fo Da One In Charge!

Jeremiah 26:5

My worka guys tell you guys fo lissen. Dey da ones dat talk fo me. I stay sen um by you guys ova an ova, but you guys still no lissen dem. An if you guys no lissen,

Jeremiah 18:11

“Az why you gotta tell all dis to all da Judah peopo an da Jerusalem peopo: ‘Dis da message from Da One In Charge: Watch out! I da One stay make ready all da bad kine stuff goin happen to you guys. I da One stay make one plan agains you guys. All you guys betta not do da bad kine stuff no moa, an betta change how all you guys ack.’

Jeremiah 3:12

Go, tell dis fo da Israel peopo hear um: “Da One In Charge tell, ‘Go come back by me, you Israel peopo Dat wen tell “Laytas” to me. I no goin give you guys stink eye no moa. Cuz I like give you guys chance, I no goin stay huhu all da time.

Isaiah 31:6

You Israel peopo, go back by Da One In Charge! You wen go agains him, an dass real bad.

Nehemiah 9:30

Fo plenny year you hang in dea wit yoa peopo. You wen sen yoa Spirit fo tell da guys dat talk fo God Fo tell da peopo, ‘Wise up!’ but dey still yet no lissen. So den, you let da peopo from odda lands Take ova yoa peopo.

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

Nehemiah 9:16

“But dey oua ancesta guys, Dey ack jalike dey get da right Fo make any kine to God. Dey come hard head, an no lissen Wat God tell um fo do.

Ezra 9:7

From da time oua ancesta guys wen live to now, us guys get uku pile a shame. An cuz a da bad kine stuff us guys stay do, you wen let da kings from odda lands take ova us guys—oua kings an prieses an erybody. Dey kill us wit swords, an drag us away fo work fo dem. Dey take eryting we get, an dey make us come plenny shame. An dat stay happen one mo time right now!

2 Records 34:21

“Go find out from Da One In Charge wassup, fo me an fo all da peopo dat still stay inside Israel an Judah! Aks um bout wat da book tell, da one dey wen find. Cuz fo shua, Da One In Charge awready come real huhu wit us guys! Oua ancesta guys neva do wat Da One In Charge tell um fo do. Dey neva make how Da One In Charge tell inside dis book!”

2 Records 30:7

No make jalike yoa ancesta guys an braddah guys, da ones dat neva stay tight wit Da One In Charge, da God fo dea ancesta guys. Az why Da One In Charge wen wipe dem out, fo odda peopo come bum out too wen dey tink bout dem, jalike you guys see now.

Jeremiah 4:1

Dis, da message from Da One In Charge: “You Israel peopo, If you guys come back, Den come back by me! “You guys gotta throw way yoa pilau idol kine gods, Fo me no see um no moa. An you guys gotta no go all ova da place no moa, From one bulaia kine god to anodda.

Jeremiah 23:22

Too bad, dey neva stan an hear Da secret plan bout wat I goin do, Cuz if dey wen hear dat fo real kine, Den dey go tell wat I tell to da peopo. Dey tell um, ‘Change da way you live, No do wass wrong!’ But dey no do dat.”

Ezekiel 20:18

Inside da boonies, I tell dea kids, “No stick wit da rules yoa faddah guys wen make! No stick wit da tings dey tell you bout wass right an wass wrong! No go come pilau wit dea idol kine gods!

Ezekiel 33:4

But maybe somebody hear da sheep horn trumpet, an no watch out, an den da army guys come an kill um. Da ones dat make deaf ear goin get da blame fo get kill.

Zekariah 7:7

Az da same ting dat Da One In Charge wen tell da guys dat talk fo him befo time, da time da peopo inside Jerusalem an da towns aroun um stay quiet, an eryting go good, an peopo stay live inside da Negev Boonies an da low lands.”

2 Records 30:6

Da king tell his guys fo run all ova Israel an Judah. Dey carry lettas from da king an his leada guys dat tell: “You Israel peopo, come back by Da One In Charge! He da God fo Abraham, Isaac, an Israel. Den he goin come back by you guys dat stay still yet, dat wen get away from da Assyria kings.

Jeremiah 3:14

Da One In Charge tell dis too: “Go come back by me, you peopo dat like dig out an go way from me. Cuz I yoa husban, dat get da right fo tell you wat fo do. I goin pick some a you guys, one from one town, o two from one ohana, wea eva you stay scatta. I goin bring you guys back to da place dat stay spesho fo me, az Zion.

Jeremiah 25:8

Az why Da One In Charge, da God Ova All Da Armies, tell dis: “Cuz you guys no lissen wat I tell,

Ezekiel 14:6

“Az why you gotta tell da Israel ohana peopo wat me, Da One In Charge, da Boss, tell: Change yoa mind! Bag from yoa idol kine gods an no stay tight wit dem no moa! An tell dat you goin bag from all dat kine pilau stuff an no do um no moa!

Daniel 9:6

We neva lissen da guys dat work fo you an talk fo you. Dey talk fo you cuz dey know wat kine god you. Dey wen talk to oua king guys, oua leada guys, an oua ancesta guys, an all da odda peopo inside da land.