Zefaniah 2:5 - Hawaii Pidgin Bible

⁵ Az why hard! You guys dat live by da shore! You Keret peopo, You Canaan peopo, wea da Filisha peopo stay, Da One In Charge grumble bout all you guys. He tell, “I goin wipe you out! No mo nobody goin stay dea!”

Zefaniah 2:5 交叉參考

Ezekiel 25:16

Az why dis wat me Da One In Charge, da Boss, tell: I ready now fo go agains da Filisha peopo wit my powa. I goin cut off da Keret peopo, an wipe out da Filisha peopo by da coast dat still stay alive.

Jeremiah 47:7

But no way dat sword goin res, Cuz Da One In Charge still get work fo um do. Da sword goin go afta da peopo inside Ashkelon An odda seaside towns.

Amos 3:1

Eh! Lissen up, you Israel peopo! I stay talking fo God, cuz Da One In Charge stay tell dis to you guys, da whole ohana dat he wen bring hea from Egypt side.

Joshua 13:3

from da Shihor Gulch da east side a Egypt, to da Ekron land da north side. Az all da Canaan land (dass wea da five Filisha kings stay, inside Gaza, Ashdod, Ashkelon, Gat, Ekron, an da Avva peopo land).

Mark 12:12

Den da Main Pries dem stay tink how dey goin bus Jesus, cuz dey know he stay talk bout dem. But dey sked da peopo. So dey go way from him.

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”

Zefaniah 3:6

Da One In Charge tell: “I wen wipe out plenny peopos. Dea big towns dat get strong wall stay all bus up. No mo nobody stay inside dea streets. No mo nobody go thru dea. Dea big towns stay all wipe out. No mo nobody stay dea.

Amos 5:1

Amos tell: “You peopo from da Israel ohana! Lissen wat I goin tell bout you guys! Dis one funeral kine song, you know. Me, Amos, I stay make um fo you guys. Dis da song:

Isaiah 14:30

Even da mos pooa ones from my peopo, Da ones dat no mo notting, Dey goin find food. An my peopo dat get hard time cuz dey need stuff, Dey goin lay down an res, an nobody goin hurt dem. But you Filisha peopo, Yoa mos importan guys goin mahke, Cuz I no let um get notting fo eat. An you odda guys dat still stay alive, You all goin mahke too cuz no mo food.

Local Leadas 3:3

Dese, da diffren peopos dat stay inside da land: da Filisha peopo wit dea five leadas, all da Canaan peopos, da Sidon peopo, da Hiv peopo dat live inside da Lebanon mountains from Mount Baal-Hermon to Lebo-Hamat.

1 Samuel 30:14

All us guys wen rip off stuff from da boonies wea da Keret peopo live Negev side, an da part da Judah peopo own, an da boonies wea da Caleb ohana live inside da Negev. Ziklag town, we burn all dat too.”

Isaiah 14:29

Eh! All you Filisha peopo! You betta not stay good inside cuz you tink lidis, “Da king fo da Assyria peopo dat wen bus us guys up, He mahke, an now dey no mo powa!” But da king guys dat goin come Afta da Assyria king mahke Goin be mo worse den him! Cuz jalike you kill one snake, Anodda snake goin come from da firs one Dat can kill you wit poison. An you kill dat one, An goin get anodda snake come from dat one Dat can fly an catch you an bite you.

Zefaniah 1:11

Cry, you guys dat live aroun da market place! Cuz all da guys dat come fo do biznis wit you guys, Goin come wipe out! An all da guys dat weigh da silva fo you guys, Goin get kill!

Joshua 13:2

“Dis da land dat still yet you guys gotta take ova: All da Filisha peopo land, da Geshur peopo land,