Teacha 9:1 - Hawaii Pidgin Bible

¹ So I tink bout all dis. From dat, fo shua God da One stay in charge a da peopo dat do da right kine stuff an know wat fo do erytime. But nobody know if peopo goin love um o hate um.

Teacha 9:1 交叉參考

Rules Secon Time 33:3

You, Da One In Charge, fo shua you get Love an aloha fo da Israel peopo. All da ones dat stay spesho fo you, Jalike dey stay inside yoa hand. Dey go down in front yoa feets, An dey learn stuff from you.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

Teacha 8:14

Get anodda ting dat happen on top da earth dat no make sense: Get guys dat do wass right, but dey get punish jalike dey bad kine guys. An get guys dat do bad kine stuff, an dey get wat da guys dat do wass right suppose to get. Fo shua dat no make sense!

Job 12:10

Eryting dat stay alive, God hold um inside his hand. An all da peopo dat breave, same ting.

2 Timoty 1:12

Az why I gotta suffa, you know. But no matta to me cuz I no shame fo suffa! I know Jesus, dass why. He da One I trus. I know dis fo shua: he wen give me one big job fo do, an he stay trus me fo do um da right way. An I can do um! Cuz Jesus get da powa fo take kea eryting till he come back.

Isaiah 26:12

Da One In Charge, you da One Make eryting come out good fo us guys, Cuz eryting dat us guys stay do, You da one do um fo us guys.

Smart Guys 16:3

Eryting you do, turn um ova to Da One In Charge fo help you. Den all da tings you make plan fo do Goin come out okay.

Songs 31:5

Dass why I turn ova my life to you, Cuz I stay trus you. Eh! Da One In Charge, I like you get me outa all dis, Cuz you da kine god I trus.

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!

Teacha 10:14

An da stupid guy talk plenny. No mo nobody know wat goin happen. Nobody can tell wat goin happen afta dat.

Teacha 8:16

Wen I wen try fo undastan wat dat mean, fo know wat fo do erytime, an wen I try fo see da kine work peopo do in dis world—I no can sleep day time o nite time.

Teacha 7:25

So den I change my mind an try fo study stuff. I like learn mo, an find out wat fo do erytime, an figga out how come eryting happen. An I like know how come az stupid fo do bad kine stuff, An how come da stupid guys come pupule.

Teacha 7:15

All dis time I live, no make sense. But I see two tings: Get guys dat stay do da right kine ting erytime an dey mahke. An get guys dat stay do bad kine stuff an dey live long time.

Teacha 1:17

Den, I make up my mind fo undastan wat “fo know wat fo do erytime” mean, wat “fo ack pupule” mean, an wat “fo ack stupid kine” mean. But wen I find out wat all dat stuff mean, jalike I stay try fo catch da wind too.

Songs 73:3

I wen see da peopo dat tink Dey no need lissen God, An I wen tink, “I like be jalike dem guys!” I wen see da peopo dat do bad tings, An eryting stay good fo dem. Dass wat wen throw me off.

Songs 10:14

But you, erytime dey do humbug kine stuff You see um an make trouble. You know wass happening fo real kine! You get da powa fo pay dem back. Dass why da peopo dat no can fight back Trus you fo take kea dem. You da One dat take kea Da peopo dat no mo faddah o muddah.

Job 5:8

“But you know, if was me, I wen aks God fo show me wat fo do. I wen tell him my problem, fo him take kea me.

Songs 119:109

All da time, I no stay shua If I goin mahke, Still yet, I no foget yoa Rules.

Teacha 9:6

No matta dey love, o hate, O come jealous, all dat stuff pau wen dey mahke. Dey no goin conneck wit notting dat stay happen unda da sun.

Jeremiah 43:6

An dey take away all da guys, da wahines, da kids an ol peopo, an da Judah king girls, dat Nebuzaradan, da main officer fo da Babylon king guard, wen leave wit Gedaliah, Ahikam boy an Shafan grankid, an Jeremiah da guy dat talk fo God, an Baruk, Neriah boy.

Job 27:12

Fo shua, all you guys wen see dis kine stuff happen too. So, how come you guys no make sense?!

Teacha 8:7

Nobody know wat goin happen bumbye. Az why no mo nobody can tell anodda guy wass goin happen.