Teacha 8:17 - Hawaii Pidgin Bible

¹⁷ Den I see eryting dat God do. No mo nobody can undastan eryting dat happen unda da sun. No matta peopo try hard fo undastan wat happen, no can. No matta one guy dat know wat fo do erytime tell dat he undastan um, he no can undastan um fo real kine.

Teacha 8:17 交叉參考

Teacha 3:11

He make eryting happen jalike suppose to happen, fo da time wen suppose to happen. He make peopo tink bout wat maybe goin happen bumbye, but dey no can undastan eryting dat God stay do from da start till da end.

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time:

Songs 73:16

Dass why I wen try hard fo undastan How come eryting come good Fo da bad guys. An I wen tink, no good Fo even try undastan.

Isaiah 40:28

You guys neva know all dis, o wat?! You neva hear bout dis?! Da One In Charge, he da God dat stay foeva! He da One wen make Even da mos far places inside da whole world. He no goin come tired o wore out. Nobody can check out da way he undastan eryting!

Job 5:9

God do awesome kine stuff dat nobody can tink. He do unreal kine stuff, mo den can count.

Teacha 11:5

You donno wea da wind goin blow. An you donno how one bebe grow inside da muddah. Same ting, you donno wat God stay do. He da One wen make eryting.

Songs 40:5

Eh! You Da One In Charge! You my God, An you do plenny awesome kine stuff! You do awesome kine tings fo us guys! Da tings you plan fo do, Az good fo us guys! No mo nobody jalike you! I like tell peopo wat you do, But get uku plenny stuff fo tell, No can tell eryting!

Songs 104:24

Eh! You Da One In Charge! Get choke plenny tings you wen make! An eryting you make, You know wat you stay do! Da world stay full A da tings you wen make.

Teacha 1:13

I make up my mind fo study, an fo try see if da stuff work dat da peopo dat know wat fo do erytime tell. I do dis cuz I like figga out eryting peopo do unda da sky. God give erybody one real hard job fo do, az why!

Teacha 7:13

Tink bout wat God wen do: No can make strait Wat God wen make kapakahi!