Teacha 8:14 - Hawaii Pidgin Bible

¹⁴ Get anodda ting dat happen on top da earth dat no make sense: Get guys dat do wass right, but dey get punish jalike dey bad kine guys. An get guys dat do bad kine stuff, an dey get wat da guys dat do wass right suppose to get. Fo shua dat no make sense!

Teacha 8:14 交叉參考

Teacha 7:15

All dis time I live, no make sense. But I see two tings: Get guys dat stay do da right kine ting erytime an dey mahke. An get guys dat stay do bad kine stuff an dey live long time.

Malakai 3:15

So den, from now, us guys goin figga, ‘Da peopo dat ack jalike dey mo betta den all da odda peopo an no give a rip bout nobody, dey da ones dat stay good inside.’ Da peopo dat do wass wrong, dey da ones dat come rich! Even wen dey push God fo see if he goin punish dem, notting bad happen to dem!”

Teacha 2:14

Da guy dat know wat fo do erytime Get eyes dat see stuff. But da stupid guy, jalike he walk in da dark. But I tink dis too: Dat da two a dem goin come out same same!

Songs 73:3

I wen see da peopo dat tink Dey no need lissen God, An I wen tink, “I like be jalike dem guys!” I wen see da peopo dat do bad tings, An eryting stay good fo dem. Dass wat wen throw me off.

Job 21:7

“How come da guys dat do real bad kine stuff Stay live long time? Wen dey come ol, dey get even mo an mo powa.

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Teacha 10:5

Get one bad kine ting dat I see unda da sun. Da guys dat stay in charge sometimes do wrong kine tings, But dey donno was wrong.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Teacha 4:4

An I stay tink bout all da hard work an eryting dat peopo stay do. An how come dey do um? Fo shua, cuz one guy tink he do someting mo betta den some odda guy do um. Dat no make sense too. Dey chase afta da wind.

Job 1:22

No matta all dis stuff happen, Job no do notting bad. He no talk jalike God do someting wrong.

Job 27:12

Fo shua, all you guys wen see dis kine stuff happen too. So, how come you guys no make sense?!