Teacha 7:10 - Hawaii Pidgin Bible

¹⁰ No go tell, “How come eryting wen stay mo betta befo time den now?” If you tell dat, ony show you donno wat fo do erytime.

Teacha 7:10 交叉參考

Local Leadas 6:13

Gideon tell, “But mista, if Da One In Charge stay wit us guys, how come all dis bad kine stuff stay happen to us? Us no can see all da awesome kine stuff he do, dat oua ancesta guys wen tell us bout. Dey tell, ‘Da One In Charge wen bring us guys outa Egypt.’ But now Da One In Charge wen bag from us, an let da Midian guys win ova us guys!”

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Teacha 7:9

No come huhu fas, aah?! Cuz dass how da stupid guys stay inside.

Teacha 7:11

Good fo know wat fo do erytime, Jalike az good get property from yoa faddah. Dat two tings make eryting come out mo betta fo da peopo dat live unda da sun.