Teacha 7:1 - Hawaii Pidgin Bible

¹ If you get one good rep, az mo betta den you get good perfume. Da day you mahke stay mo betta den da day you born.

Teacha 7:1 交叉參考

Jesus Show 14:13

Den I hear one voice from da sky tell, “Write dis: From now, erybody dat stay tight wit Da One In Charge till dey mahke, he goin do good tings fo dem.” God Spirit tell, “Yeah! Dey goin res from all dea hard work, an erybody goin know da good stuff dey wen do.”

Smart Guys 22:1

Mo betta get good name from da peopo, Den own plenny kine stuffs. If peopo tink you one good guy, Az mo betta den silva an gold.

Teacha 4:2

An I tink dat da peopo dat stay mahke awready Stay mo good inside den da peopo dat stay alive still yet.

2 Corint 5:8

Us guys feel real good inside bout dis. Dass why we figga, mo betta leave dis body hea, an go live up dea wit Da One In Charge.

2 Corint 5:1

Eh, us guys know dat oua body, da one us stay inside now on top da earth, az jalike one tent dat ony goin stay up short time. No matta oua body goin come wipe out, us no need worry. Cuz God get one good place fo us stay inside da sky. Peopo neva make dat place. God wen make um an dat place stay foeva!

Love Song 1:3

Nice, how you smell. Wen peopo use yoa name, az jalike dey stay pour out perfume kine oil. Az why all da young wahines love you!

Teacha 10:1

Mahke flies make da perfume smell haunas. Same ting you do one litto bit stupid kine ting, Den nobody goin stay shua you know wat fo do erytime, An no mo nobody goin respeck you!

Smart Guys 27:9

Wen one fren kokua you An tell you how da bestes way fo do someting, Az real sweet! Make you feel good inside Jalike wen somebody give you olive oil an perfume.

Isaiah 56:5

Fo dose guys dat no can make kids But stay tight wit me, I goin give dem someting Mo betta den get boys an girls. I goin make dem come jalike az my ohana, An give dem one spesho place inside my house. Peopo no goin foget dea name foeva, An nobody goin foget dea name eva.

Smart Guys 15:30

How da eyes look wen you smile, Dat make peopo feel good inside. Wen you get someting good fo tell, Dat make peopo feel good inside too.

Job 3:17

Ova dea inside da Mahke Peopo Place, Da bad kine guys no can make humbug no moa. Ova dea da guys dat stay wore out can res.

John 13:2

Jesus dem stay eat da Passova dinna. An da Devil awready make Judas, Simon Iscariot boy, figga dat he like set up Jesus.

Songs 133:2

Wen erybody stick togedda Jalike dey one, Dass jalike wen somebody put oil On top yoa head fo show aloha. Az jalike da time Moses wen make Aaron da firs Main Pries Guy, An he pour da spesho kine olive oil On top Aaron head, An da oil drip down his beard To da collar a da robe.

Hebrews 11:39

An all dose peopo, God tell dey good peopo cuz dey wen trus him. Still yet, dey neva get da tings God wen promise um.

Hebrews 11:2

Da peopo from befo time, wen dey wen trus God no matta dey no see um, God give um one good rep.

Luke 10:20

But no stay good inside jus cuz da bad spirits do wat you tell um fo do. Stay good inside cuz God get you guys names inside his book inside da sky.”

Love Song 4:10

Az real awesome, wen you make love to me, my bride! You da one I love! I feel mo good inside wen you make love to me, Cuz az mo betta den wen I drink wine. Yoa perfume smell mo betta den any kine spices.

Teacha 7:8

Wen someting pau, az mo betta den wen start. Wen you hang in dea, az mo betta den get big head.

Jonah 4:3

You, you Da One In Charge! Kill me now, cuz mo betta I mahke den stay alive!”

Ruth 3:14

Az why Ruth lay dea by Boaz feets till morning time. She get up early, befo get light, befo anybody can see who her. Cuz Boaz figga, “No good da peopo know dat dis wahine wen come hea wea dey take da junks outa da wheat!”

Smart Guys 25:10

No good odda peopo hear bout dis, Cuz goin make you shame! Da bad tings peopo goin tell bout you Goin be lidat foeva.