Teacha 5:9 - Hawaii Pidgin Bible

⁹ Get plenny stuff come from da land, an erybody get one cut from um, even da king!

Teacha 5:9 交叉參考

Smart Guys 28:19

Da guy dat farm his land Goin get all da food he need. But da guy dat ony do wase time kine stuffs No goin get notting.

Smart Guys 13:23

No matta da peopo dat no mo notting Harves plenny food from inside dea field, If odda peopo no do da right ting, da peopo dat no mo notting no goin eat notting.

Songs 115:16

Da sky, an eryting up dea, Dass fo Da One In Charge. But da world, He wen give dat to da peopo.

Teacha 5:8

If you see dat da peopo dat no mo notting get presha from da govmen, an somebody take away dea rights, an da judge no do da right kine ting fo dem, no drop yoa jaw! Cuz one leada guy get anodda leada dat back him up, an da two a dem get odda leadas fo back um up too.

Teacha 5:10

Whoeva get plenny love fo money, no goin get enuff money! Whoeva like rich kine stuff, no matta how much dey get, no goin make dem stay good inside! An all dat stuff no make sense too.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Teacha 6:7

All da hard work peopo do, az fo give dem food fo eat. But dey no mo enuff.