Teacha 3:8 - Hawaii Pidgin Bible

⁸ One time fo love An one time fo hate. One time fo make war An one time fo make eryting pono.

Teacha 3:8 交叉參考

Efesus 5:25

An same same you husbans, get plenny love an aloha fo yoa wife, jalike Christ get plenny love an aloha fo da church peopo. Dass why he give up his life fo mahke fo dem.

Luke 14:26

“Whoeva come by me, an get mo love an aloha fo dea faddah an muddah, dea wife an kids, dea braddahs an sistahs—an even fo ony dem, if az mo den dey get love an aloha fo me, dey no can be my guy.

1 Kings 5:4

“But now, my God, Da One In Charge, he let me res, cuz no need fight wit da peopos all aroun me. No mo nobody stay agains me, no mo nobody do bad kine stuff agains me.

Jesus Show 2:2

‘I know wat you guys stay do. You guys work hard an stay hang in dea. I know fo shua you guys had it wit odda guys dat do bad kine stuff. You guys check out da odda guys dat tell I wen sen um, but I neva. An you guys find out dat dey bulai.

Songs 139:21

Eh! You Da One In Charge! Da peopo dat hate you, Dey da ones I goin hate too! Da peopo dat go fight you, Dey good fo notting!

2 Records 19:2

Jehu (his faddah Hanani, da guy dat can see wass goin happen) go out fo meet da king. He tell da king, “You tink az good you help da guys dat do real bad kine stuff, o wat?! You tink az good, you get love fo da guys dat hate Da One In Charge, o wat?! Cuz you wen do dat, Da One In Charge stay huhu wit you!

Titus 2:4

Den da older wahines can teach da younga wahines how fo show love an aloha fo dea husban an dea kids,

Efesus 3:19

An I like fo you guys blow yoa mind fo know how plenny love an aloha Christ get fo you guys, no matta no mo nobody can undastan eryting bout um. An den you guys goin be jalike God. Az wat he like you guys fo be, jalike him.

Ezekiel 16:8

“ ‘Da nex time I go by dea, I wen look you, an I see dat you stay ol enuff fo make love. I spread da corna a my blanket ova you fo cova you cuz you stay naked. Dass how I show I goin take kea you fo come my wife. I make one strong promise to you an make one spesho deal wit you fo you come mines. Az wat me, Da One In Charge, da Boss, tell.

Joshua 11:23

Dass how Joshua take ova all da land, jalike Da One In Charge wen tell Moses fo do. Da One In Charge give all dat land fo come da Israel peopo property fo all dea ohanas. Dat time, da peopo wen res, an neva fight no moa.

Songs 101:3

I no goin even look At good fo notting kine stuff. I hate peopo dat make Crooked kine deals. I no goin do notting lidat!

Smart Guys 13:5

Da peopo dat do da right ting all da time, Dey no like tell da kine bulai words fo cheat peopo. Da bad kine peopo, shame how dey ack An wat dey do.

2 Kings 9:22

Wen Joram see Jehu, he aks, “Eh Jehu, you come hea fo fight us guys, o eryting stay okay?” Jehu tell, “How can eryting stay okay, wen all da time yoa muddah Jezebel stay fool aroun wit all da odda gods an stay put kahuna on top plenny peopo?!”

Songs 105:25

Den Da One In Charge Make da Egypt peopo change dea mind Fo hate da Israel peopo Dat spesho fo him. Dey make sly kine plan fo jam up Da ones dat get God fo dea boss.