Teacha 2:21 - Hawaii Pidgin Bible

²¹ Cuz if somebody do dea work an know wat fo do erytime, an know plenny, an know how fo do stuff real good, den dey gotta leave all da stuff dey own fo somebody dat neva work fo get um. Dis no make sense too. An come out bad too.

Teacha 2:21 交叉參考

Jeremiah 22:17

“But you, Jehoiakim, you ony like get Wat you can rip off from da real owna! You like kill da peopo dat neva do notting wrong. You like make sly kine fo make peopo pay you extra fo wat you do fo dem. You bus up peopo an you no give a rip!”

Jeremiah 22:15

“If you like fo real kine fo build house Wit mo plenny cedar wood den some odda guy, You tink dat make you one king, o wat?! Yoa faddah Josiah, he get plenny fo eat an drink. But him, he wen do wat stay right an judge da right way. Dass why eryting come good fo him.

Teacha 9:18

Mo betta know wat fo do erytime, Den get plenny stuff fo use fo make war, But one guy dat mess up one time Can wipe out plenny good kine stuff.

2 Records 35:18

From da time wen Samuel, da guy dat talk fo God, stay alive, no mo nobody eva wen make da Passova lidat inside da Israel land. No mo anodda king fo da Israel peopo wen make da Passova lidat, da way Josiah make um. Josiah an da pries an Levi guys, an all da Judah an Israel peopo dat stay dea wit da Jerusalem peopo, do um togedda.

2 Records 34:2

Da way Da One In Charge see him, he do wat stay right jalike his ancesta guy David wen do. He no turn away to da right side o da lef side.

Songs 49:10

Even da peopo dat know Wat fo do erytime, Dey mahke, Same ting da peopo dat tink dey get um, But dey no get um, An jalike da stupid peopo too— All dem disappea. Dey leave all dea stuffs Fo odda peopo dat come afta.

Teacha 2:20

So I come all bum out cuz I tink bout da hard work I wen do unda da sun.

Teacha 4:4

An I stay tink bout all da hard work an eryting dat peopo stay do. An how come dey do um? Fo shua, cuz one guy tink he do someting mo betta den some odda guy do um. Dat no make sense too. Dey chase afta da wind.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Songs 39:7

So den, Boss—wat I stay wait fo?! You da one I stay shua goin help me.

Songs 49:11

Dey wen put dea names On top da land dey own, Fo odda peopo know dass dea land, Dea grave goin be Da ony home dey get!