Teacha 2:14 - Hawaii Pidgin Bible

¹⁴ Da guy dat know wat fo do erytime Get eyes dat see stuff. But da stupid guy, jalike he walk in da dark. But I tink dis too: Dat da two a dem goin come out same same!

Teacha 2:14 交叉參考

Songs 49:10

Even da peopo dat know Wat fo do erytime, Dey mahke, Same ting da peopo dat tink dey get um, But dey no get um, An jalike da stupid peopo too— All dem disappea. Dey leave all dea stuffs Fo odda peopo dat come afta.

Smart Guys 17:24

Da kine guy dat undastan stuff Tink all da time bout How he can know wat fo do erytime. But da stupid buggah Dat tink he no need learn notting, He tink ony bout how fo get stuff dat he no need.

Teacha 9:11

I wen see anodda ting unda da sun too: Da mos fas guys no goin win da race erytime, An da mos strong guys no goin win da fight erytime. Da guys dat know wat fo do erytime, dey no mo food erytime, Da smart guys not rich erytime. Nobody show respeck erytime fo da guys dat know plenny. But dey all gotta chance um wen da right time come.

1 John 2:11

But whoeva hate dea braddah o sistah, az jalike dey stay inside da dark. Dey walk aroun inside da dark, an dey donno wea dey going, cuz da dark make um come blind.

Teacha 3:19

Wat goin happen to da peopo an da animals, same ting! Jalike peopo mahke, da animals mahke. Dey all breave da same. Peopo not mo betta den da animals! All dat no mean notting. An no make sense!

Teacha 9:16

Az why I tell, “Mo betta know wat fo do, den get one big army.” But da peopo dea no show respeck fo da guy dat no mo notting, no matta he know wat fo do erytime. No mo nobody lissen now wat da guy tell.

Teacha 8:1

So, wat you tink?! Get guys dat know fo real kine wat fo do erytime?! You figga get guys dat know wat tings mean, o wat?! One guy dat know wat fo do erytime, his face goin show dat, Cuz no goin look jalike he huhu.

Teacha 7:2

Mo betta go visit one house wea da peopo make one funeral, Den visit one house wea dey make one party, Cuz erybody goin mahke bumbye. Good, da peopo dat stay alive tink serious kine bout dis.

Teacha 6:6

An even if da guy dat get eryting stay alive fo two tousan year, dat no mean he stay good inside bout his stuffs. Cuz wen dis guy an da bebe mahke, dey goin go da same place erybody go!

Smart Guys 14:8

Da peopo dat tink strait, Da smart stuff dey do is, Dey tink firs bout wat dey stay do. Da stupid head kine peopo wit attitude, Dey tink dey know wat fo do, But dey bulai ony dem.

Songs 19:10

Wen Da One In Charge tell wass right, Az good you like lissen him Mo den you like get gold, Even mo den plenny gold, da bestes kine. Da Rules From God, mo sweet den da honey, Even da fresh honey dat stay inside da wax still yet.

Teacha 2:16

No mo nobody goin rememba da guy dat know wat fo do erytime, An same ting fo da stupid guy. Bumbye, erybody goin foget da two a dem. Jalike da stupid guy an da guy dat know wat fo do erytime goin mahke too!

Songs 49:11

Dey wen put dea names On top da land dey own, Fo odda peopo know dass dea land, Dea grave goin be Da ony home dey get!

Teacha 6:8

One guy dat know wat fo do erytime Not mo betta den one stupid guy! If one guy dat no mo notting know how fo ack in front odda peopo, How dat goin help him?