Teacha 2:10 - Hawaii Pidgin Bible

¹⁰ I neva hold back fo get someting I like get. I neva hold back fo get good fun. I stay good inside from all da work I do! Dass da pay I get fo all my work!

Teacha 2:10 交叉參考

Teacha 9:9

Live good wit yoa wife dat you get love an aloha fo, all da time God give you unda da sun, no matta hard fo make sense. An bus ass unda da sun cuz az yoa kuleana unda da sun.

Teacha 5:18

But you know wat?! I see one ting dass good. Az good fo peopo eat an drink, an stay good inside bout dea hard work unda da sun. All da time dey stay alive, da short time God give um, dass wat dey get.

Teacha 3:22

“Az why no mo notting mo betta, den fo peopo do dea work an stay good inside, cuz az why dey stay hea. No mo nobody can make dem see wat goin happen to dem bumbye!”

Songs 119:37

Make shua I no even like look At da wase time kine tings. Give me da real kine life, Da way you wen promise fo do.

Songs 128:2

Den, from da work you do Wit yoa hands, You goin get plenny fo eat. You goin stay good inside, An tings goin go good fo you too.

1 John 2:16

You guys know all da bad kine stuff dat get inside dis world: Peopo do wat dey like do cuz dass how dey stay. Dey like get wateva look good to dem. An dey like get da kine stuff fo show off too. All dat no come from da Faddah, but come from dis world.

Teacha 2:22

Wat get fo all da work an worry dat somebody do unda da sun?

Teacha 11:9

You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.

Teacha 6:9

Stay good inside bout da stuff you see. Az mo betta den tink bout da nice tings you no moa. Wen you tink bout nice tings you no mo, no make sense. Az jalike you chase da wind.

Smart Guys 23:5

You look litto bit at rich kine stuffs An dey disappea, Da rich kine stuff, jalike one eagle dat get wing An fly away to da sky.

Job 31:1

“I wen make one strong promise, Dat no ways I goin check out any young wahine an like sleep wit her,

Local Leadas 14:2

Wen he go back, he tell his faddah an muddah, “I wen spock one Filisha wahine, Timnah side. Now go get her fo me, fo come my wife.”

Start 6:2

Had guys jalike gods dat wen check out da daughtahs dat born to da peopo. Dey see dat da wahines was good looking, an dey pick da ones dey like fo marry.

Start 3:6

Da wahine wen look da tree an tink da tree look real good fo get food. She eye up da fruit, an tink, “Ho! Nice looking, da tree! If I take some a da fruits an eat um, I goin come smart an can undastan any kine!” Den she take some a da fruits an eat um. She give um to her husban too, an he eat um wit her.

Teacha 5:10

Whoeva get plenny love fo money, no goin get enuff money! Whoeva like rich kine stuff, no matta how much dey get, no goin make dem stay good inside! An all dat stuff no make sense too.

Teacha 6:2

God give peopo rich kine stuff, odda stuff, an one good name. Dass how dey get eryting dey like. But maybe God no let um feel good bout da stuff dey get. Den goin get one guy from anodda place goin get um. An dass da guy goin stay good inside bout da odda guy stuffs. But all dat no make sense! Make you sick fo tink bout um.

Teacha 9:6

No matta dey love, o hate, O come jealous, all dat stuff pau wen dey mahke. Dey no goin conneck wit notting dat stay happen unda da sun.

Teacha 2:1

I wen tink lidis: “Now, I goin try tes dis! I goin see wat make me feel good inside. I goin ony try fo feel good inside.” But I ony find out, dat no make sense too.

Teacha 2:24

So den, da bestes ting fo do, go eat, go drink, an stay good inside bout hard work! No mo notting mo betta. I see dass jalike one present from God too.

Teacha 5:17

All dea life, dey stay in da dark. Dey stay futless, dey get hard time, an dey stay huhu.

Teacha 8:15

But me, I figga, az good fo erybody feel good inside. Cuz no mo notting mo betta den one guy unda da sun eat, drink, an stay good inside. No matta he work all da days God give um fo stay alive unda da sun, he goin stay good inside.