You know, erybody gotta go in front Christ da Judge, an us no can hide notting. Dat time us goin get back wat we wen do, wen we wen stay inside dis world. An no matta us wen do da good kine stuff o da no good kine stuff.
Dass how goin be bumbye wen God goin make Jesus Christ da Judge fo da secret stuff inside erybody. Dass wat da Good Kine Stuff From God tell, an dis wat I stay teach.
So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.
An dey goin come outa dea graves. Da peopo dat wen do da good kine stuff goin come back fo live one mo time fo real kine, an da peopo dat wen do da bad kine stuff goin come back fo get punish.
You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.
I wen tink lidis: “God goin judge da peopo dat do wass right, an da peopo dat do wass wrong. Cuz get one bestes time fo do eryting, One time fo eryting dat happen.”
In front Da One In Charge, Cuz he stay come hea! He stay come fo be Da Judge fo da whole world. He goin judge erybody in da world Da right way. He goin show da peopos Wass da trut fo real kine Fo dem trus him.
You guys gotta stay sked dat somebody goin kill you guys wit dea sword! Cuz wen you guys stay huhu, God goin use one sword fo punish you! Den you guys goin know God da one dat judge you guys!”
All da time, us guys do tings We get da blame fo. But you know, right den an dea. Us guys do bad tings An hide um from you. But you see um, Jalike get one spotlight on top um.
Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.
