Teacha 12:11 - Hawaii Pidgin Bible

¹¹ Wat da guys tell dat know wat fo do erytime, az jalike da sharp poles fo poke da cows fo make um go da right way. Eryting dey tell, az jalike da kine nails dat stay solid wea dea owna poun um. Eryting dey tell come from God, da one good sheep guy.

Teacha 12:11 交叉參考

Hebrews 4:12

Az cuz wat God tell stay alive, an get da powa fo do wat suppose to do, an stay mo sharp fo change us guys inside den one sharp sword dat two side sharp. Wat God tell cut deep inside fo show fo real kine how we tink an wat we like do, an even cut deep inside da joints an da bone marrow. Wat God tell judge wat we tink an how we tink bout stuff.

Jesus Guys 2:37

Wen da peopo hear dat, dey come sore inside, an dey tell Peter an da odda guys Jesus wen sen all ova, “Braddahs, wat we goin do?”

Ezekiel 34:23

I goin give one guy da kuleana fo be ova dem an take kea dem. Az goin be David, da guy dat work fo me. He goin come jalike da sheep guy ova dem.

Jeremiah 23:29

“So. Wat I tell, burn jalike fire, an poun jalike one hamma dat broke big kine rocks an make um come small pieces.” Az wat Da One In Charge tell.

2 Corint 10:4

We no use da same kine tings fo fight, jalike da peopo inside dis world use fo fight one war. Wen we beef wit da hard head kine peopo dat try fo make argue, we get powa from God fo broke down da hard head way dey tink an undastan stuff.

John 3:10

Jesus tell him, “You da main teacha fo da Israel peopo, an you no undastan dis stuff?

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Smart Guys 22:17

Lissen good, wat da guys tell dat know wat fo do erytime. An make shua you undastan Da tings I know.

Smart Guys 1:6

Whoeva make lidat cuz dey read dis book, Dey goin undastan da importan kine tings An even da stuff dat da smart guys make hard fo figga out. Az da kine stuff fo make you tink plenny.

John 10:14

“I jalike one good sheep guy. I know my sheeps, an dey know me,

Matthew 3:7

Plenny Pharisee guys an Sadducee guys come fo him baptize dem too. He see um, an tell, “Eh you guys! You guys jalike one snake ohana! God had it wit all da bad kine stuff you do. He goin punish you guys fo dat. No way you guys goin get away!

Isaiah 22:23

I goin make Eliakim come one strong guy, No mo notting can make him change, Jalike one strong stick Dat stick out from da wall fo hold stuff. Erybody goin get choke respeck fo his faddah ohana, Cuz Eliakim goin be jalike da throne dat hold da king.

Songs 80:1

You da one dat take kea Us Israel ohana guys Jalike one sheep guy Take kea his sheeps. You da one dat show Da Joseph ohana guys wea fo go, Jalike one sheep guy Show his sheeps wea fo go. So, lissen wat I tell! From da place you stay, Ova da Box Fo No Foget Da Deal, Wea da awesome angel watcha guys Stay on top— Show how strong you!

Songs 23:1

Da One In Charge, he take kea me, Jalike da sheep guy Take kea his sheeps. Az why I get eryting I need.

1 Peter 5:4

Wen Jesus, da Main Sheep Guy, come back, den God goin give you guys one awesome haku lei cuz you do one good job. An yoa haku lei no goin come poho, foeva.

Hebrews 13:20

God, he da One dat make um so notting bodda us guys. An he da One dat wen bring back from mahke Da One In Charge a us guys, Jesus. Jesus wen bleed an mahke fo us guys, an dass how God wen make one New Deal fo us dat stay foeva. Jesus, he jalike da main sheep guy dat take kea his sheeps.

Ezra 9:8

“An jus now, you oua God, dass Da One In Charge a us, you wen help us plenny fo short time an do good tings fo us. You wen leave some a us guys fo stay alive, an let us come back to dis place dat stay good an spesho fo you. You even make us happy litto bit. No matta we ony slaves, you help us fo stay alive.

Start 49:24

But Joseph guys, dea bow neva lose fight An dea arm stay strong fo move quick. Az cuz me Jacob, I pray to da Strong God. Az why he make Joseph guys come strong too. God jalike da Sheep Guy dat take kea me, Jalike he da Big Rock dat stay help me, Israel.

Teacha 7:5

Mo betta lissen wen somebody dat know wat fo do erytime scold you. Den lissen wen da stupid guys sing.

Teacha 10:12

Da guy dat know wat fo do erytime talk good kine, But da stupid guy mout make him come wipe out.

Smart Guys 10:21

Da peopo dat stay do wass right, Wat dey tell, az jalike food fo da inside fo plenny peopo. Da stupid head kine peopo wit attitude, Dey goin get cut off from God foeva, Cuz dey no tink strait.