4 Whoeva watch da wind no goin plant notting. An whoeva look da clouds no goin harves notting.
Da lazy kine guy Dat no make ready his land Wen time fo plant food, Wen time fo harves da stuff dat grow, He goin look, but he no goin find notting.
“Wen you gotta do someting fo help somebody, No hold back if you get da powa fo do um.
Da kine guy dat too lazy fo go work tell, “Get lion outside dea!” O he tell, “I no goin go outside on da street, Bumbye somebody goin kill me!”
Wen da clouds get plenny watta, Fo shua dey pour rain on top da earth. An no matta one tree fall down south side o north side, Fo shua goin stay da place wea wen fall down.
You donno wea da wind goin blow. An you donno how one bebe grow inside da muddah. Same ting, you donno wat God stay do. He da One wen make eryting.
