Weneva you guys talk, no talk any kine—talk wit aloha. An no talk ony bout da junk kine stuff. Dass jalike food dat no mo taste. Talk bout da kine good stuff. Dass jalike food dat stay ono, cuz get salt fo taste! Eh! Good fo know how fo talk to any kine guy.
Da peopo dat know wat fo do erytime, Dey make wat dey know Soun good fo erybody. Da stupid head peopo wit attitude, Ony stupid kine stuff come outa dea mout.
No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.
Da boss tell, ‘Bummahs! I goin make jalike one judge. Wat you tell show you one bad worka! You know I one hard guy. I take wat not mines, an I harves da crop dat I neva plant.
Wen one dumb buggah Dat tink he no need learn notting Try fo tell importan kine stuff Fo make odda peopo tink plenny, Fo shua he goin hurt somebody, Jalike wen one piloot guy Get one kiawe plant wit plenny thorn Fo wack somebody.
Wen somebody aks you someting An you tell um someting dat help dem, You feel good inside. Wen you tell um someting dey need fo hear Right den an dea, Dass real good!
Some peopo talk, but dey no tink firs. Az jalike dey stab you wit one knife. But da peopo dat know wat fo do erytime, Wen dey talk, make peopo feel mo betta.
Peopo dat make eye signal fo hide wat dey like do, Goin make somebody suffa. Peopo dat do bad kine stuff an no bodda dem, Dey all mout, an dey goin fall down an crack dea head.
Da peopo dat know how fo tink, Dey goin lissen an do wat dey suppose to do. Da peopo dat do bad kine stuff an no bodda dem, Dey all mout, an dey goin fall down an crack dea head.
Wat da guys tell dat know wat fo do erytime, az jalike da sharp poles fo poke da cows fo make um go da right way. Eryting dey tell, az jalike da kine nails dat stay solid wea dea owna poun um. Eryting dey tell come from God, da one good sheep guy.
No let yoa mout make you do bad kine stuff. An no tell da Temple messenja guy, “Was one mistake, I wen make dat strong promise!” No good, God come huhu cuz a wat you tell! An no good, he wipe out da tings you wen make wit yoa hands!
