13 “My rainbow in da heavy clouds, Dass da sign I give you guys. Erytime get rainbow, Dat goin be da sign fo make you guys no foget Dat I wen make dis deal fo you an fo da whole world!
Da strong light aroun him look jalike one rainbow in da clouds afta wen rain all day. Dis kinda wat he look jalike, Da One In Charge. Ho! he real awesome kine. Wen I spock him, I fall down an put my face on top da groun. An den I hear somebody stay talking.
Den, jalike one dream, I see anodda angel guy dat get plenny powa, coming down from da sky. He get one cloud fo his clotheses, an one rainbow aroun his head. His face jalike da sun, an his legs jalike fire.
Da One dat sit dea get strong light dat come from him, jalike da light dat come from da jasper stone an da red carnelian stone! An aroun him get one rainbow dat look jalike da green emerald.
God tell um dis too: “An now, I goin do dis: I give you guys one sign, fo you guys no foget da deal I stay make. Dat deal, az fo you guys an fo all da animals dat stay wit you guys. Da sign stay fo dis deal now, an stay fo all da peopo dat goin come from you guys afta.
