Start 8:4 - Hawaii Pidgin Bible

⁴ Was da numba seven month afta da flood watta come up, day numba seventeen, da big boat come down on top one mountain in da Ararat range.

Start 8:4 交叉參考

Jeremiah 51:27

“Put up one flag inside da Babylon land! Blow da sheep horn trumpet Fo tell da diffren peopos time fo attack! Make da peopos come spesho fo me Fo dem fight Babylon! Call dese peopos fo go agains Babylon: Ararat, Minni, an Ashkenaz. Pick one officer guy fo take charge agains Babylon. Sen plenny horses jalike az plenny locust kine grasshoppas.

Isaiah 37:38

Laytas, one time wen Sennakerib go down fo pray inside da temple fo his god Nisrok inside Nineveh, his boys Adramalek an Sharezer take dea sword an kill him. Den dey run away to da Ararat land. Esarhaddon, Sennakerib odda boy, come da nex king fo da Assyria peopo.

2 Kings 19:37

Laytas, Sennakerib stay pray inside da temple fo his god Nisrok. Wen he go down in front Nisrok, his boys Adrammelek an Sharezer kill him wit dea swords. Den dey run away to da Ararat land. An Sennakerib odda boy Esarhaddon come da nex king.

Start 7:20

An still yet, da flood watta go up, till was mo den 25 feet ova da top a all da mountains.

Start 8:5

Till da numba ten month, da flood watta stay go down litto bit erytime. Da firs day a da nex month, can see da tops a da odda mountains nea dea.