Start 6:6 - Hawaii Pidgin Bible

⁶ Da One In Charge, he tink, “Bummahs! Mo betta I neva make dose peopo dea inside da world!” He stay sad inside cuz a dat.

Start 6:6 交叉參考

Isaiah 63:10

But his peopo, still yet dey go agains him, An make his Good An Spesho Spirit stay sad inside. So he tell ‘Laytas’ to dem. An he fight dem.

1 Samuel 15:11

“I stay sorry dat I wen make Saul come da king, cuz he make deaf ear an he no stay tight wit me no moa, an he no do no mo all da stuff I wen tell him fo do.” Wat Da One In Charge tell, bodda Samuel so plenny dat he pray all nite to Da One In Charge fo help.

Efesus 4:30

No go do notting dat goin make da Good An Spesho Spirit come sore inside. Cuz God Good An Spesho Spirit stay in charge a you guys you know. An dass da mark dat show proof dat you guys da peopo dat know God. Dat show dat bumbye he goin hemo you guys from da powa dat da bad kine stuff you do get ova you guys.

Hebrews 3:10

Cuz a all dat, I wen had it Wit da peopo dat wen go agains Moses. I tell, ‘Dem guys get bad kine attitude. Dey erytime go agains me. Dey neva like lissen me.’

1 Samuel 15:29

An da God fo da Israel peopo, dat stay awesome foeva, he no bulai nobody. He not one guy jalike us dat tell he goin do someting, an den he no do um.”

2 Samuel 24:16

But wen da killa angel stay ready fo wipe out Jerusalem, Da One In Charge pity da Jerusalem peopo an change his mind cuz he awready punish da Israel peopo plenny. He tell da angel guy dat stay kill da peopo, “Nuff awready! No kill no moa!” Da angel dat Da One In Charge wen sen stay right den an dea by da open place wea Araunah from Jebus split da junk kine stuff from da wheat.

Census 23:19

God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

Jonah 3:10

God, he see wat dey stay do, an see dat dey change how dey ack an no do bad kine tings no moa. Az why he change his mind an no do bad tings to dem, da way he wen tell befo time dat he was goin do. Cuz a dat, he not goin do notting bad to dem.

Joel 2:13

Change how you feel inside, An no jus rip yoa clotheses Fo show you stay sad inside! Go come back to yoa God, Da One In Charge, Cuz he like do good kine tings fo you guys. He get love an pity fo you guys. He no come huhu real quick. He like stay tight wit you guys. He stay sad inside wen he gotta punish somebody.

Outa Egypt 32:14

So Da One In Charge change his mind bout da bad tings he plan fo do to his peopo, da Israel peopo, an he no do um.

Ezekiel 33:11

“Tell um, ‘Fo shua az me Da One In Charge, da Boss, tell dis. I stay alive! An fo shua, no ways I stay good inside wen one bad kine guy mahke. Mo betta dey no do no moa da bad kine stuff dey wen do. Den dey goin stay alive fo real kine! No do da bad kine stuff no moa! Run away from all dat! How come you ack jalike you like mahke, you Israel peopo?!’

Jeremiah 26:19

You tink Hezekiah da Judah king an his peopo wen kill Micah cuz he talk lidat?! No ways! Dey no do bad kine stuff. Dey show choke respeck fo Da One In Charge. Dey beg Da One In Charge fo give chance. Cuz a dis, Da One In Charge no do wat he was goin do befo time. He no put da bad kine stuff on top dem dat he wen tell befo time he goin do. But wat goin happen to us guys if we kill dis guy Jeremiah!”

1 Records 21:15

Befo God pau, he sen one angel guy Jerusalem town, fo wipe um out. But wen da angel guy start fo wipe out da peopo, God Da One In Charge see um. He change his mind bout how he goin make bad to da peopo, jalike he wen start fo do. He tell da angel guy, “Nuff awready! Stop!” Wen Da One In Charge tell dat, da angel guy stay stan by da open place wea Ornan da Jebus guy split his wheat from da junk kine stuff.

Isaiah 48:18

I wen like fo you guys lissen Wat I tell you guys fo do befo time, But you no like lissen! I wen like fo eryting go okay fo you guys, Jalike one riva dat no make noise An stay full all da time, But you not okay! I wen like fo you guys get um right wit me, Jalike da wave dat come in from da ocean all da time, But you no get um right!

Songs 106:45

Fo dem, God neva foget Da deal he wen make, An cuz he like stay real tight wit dem, He wen change his mind.

1 Samuel 15:35

Till wen Samuel mahke, he no go see Saul no moa. But Samuel stay sad inside cuz a Saul. An Da One In Charge stay sorry dat he wen make Saul da king fo da Israel peopo.

Rules Secon Time 32:36

Da One In Charge goin be da judge Dat goin tell his peopo dey no mo da blame. He goin show love an pity fo his worka guys Wen he see dat dey no mo powa An no mo da Israel guys dea, No matta dey slave guys o not slave guys.

Rules Secon Time 32:29

I like dem know wat fo do erytime, An know how come all dis ting happen, An know wat goin happen afta. But az not how dey tink!

Rules Secon Time 5:29

I like dey tink lidat erytime, fo stay sked a me an do eryting I tell um fo do, so den eryting goin go good fo dem an dea kids, foeva!

James 1:17

Erytime somebody give you someting nice an spesho, all dat come from yoa Faddah up dea inside da sky. He wen make all da lights inside da sky—da sun, an moon, an stars. But God no change jalike da tings inside da sky change.

Hebrews 3:17

An wen God tell, “Forty year awready, I had it wit dem guys!” who he stay talking bout? Az da peopo dat wen do bad kine stuff, an bumbye dey all mahke in da boonies, an dea bodies stay dea.

Malakai 3:6

Da One In Charge, he tell dis too: “Me, Da One In Charge, An I no change how I ack. I still da same. Az why you guys from da Jacob ohana no stay wipe out!

Hosea 11:8

“You Efraim peopo, no way I goin tell you guys ‘Laytas!’ No way I goin give you Israel peopo to anodda god! No way I goin wipe out you guys jalike I wen wipe out Admah town! O Zeboim town! Now I wen change my mind, Az why now I feel all kine love an pity fo you guys!

Songs 119:158

Get peopo dat tell, dey my frenz, But dey ony tell dat fo bulai me, An dey no like do Notting you like teach um. Piss me off plenny, dat!

Songs 110:4

Da One In Charge Make dis strong promise awready, An he no goin change his mind. He tell: “You, you stay one pries foeva fo me. Da same kine pries jalike Melkizedek.”

Songs 95:10

“Was forty year yoa ancesta guys Was pilau fo me, An cuz a dat I mad! Dis how I wen tink: ‘Dese peopo! Inside, dey like do Wat dey like do! Dey donno how fo do tings my way!’

Songs 81:13

Bummahs! I like Fo my peopo lissen me, But dey no lissen! I like fo da Israel peopo do tings Da way I do um!

Songs 78:40

Plenny time, ova dea inside da boonies, Da Israel peopo wen tell God Dey no goin do how he tell um fo do. Dey wen make God Come plenny sore inside, Ova dea wea no mo notting!

Rome 11:29

You know, wen God give you someting, he no take um back. Wen he tell you, “Eh! Go come be my guy!”—he no goin change his mind.

Start 6:7

An den Da One In Charge figga, “I goin wipe out from da world all da peopo I wen make awready. I goin wipe out all da animals too, da small kine tings dat crawl, an da birds dat fly inside da sky, cuz bodda me dat I wen make all dis.”

Jeremiah 18:7

If bumbye I tell dat I goin pull out one peopo o one king an his peopo from da land, an wipe um out,