Start 6:11 - Hawaii Pidgin Bible

¹¹ Dat time, da way God see um, eryting dat stay alive come poho. Da peopo all ova da world, dey ony like bus up each odda.

Start 6:11 交叉參考

Ezekiel 8:17

Da One In Charge, he tell me, “Eh, Fo Real Kine Guy! You wen see dat? All da pilau kine stuff dat da Judah ohana peopo stay do ova hea, you tink az no mean notting, o wat? Dey gotta bus up peopo ery place on top da land, o wat? An dey gotta make me come real huhu wit dem, ova an ova? Look at dem! Dey stick finga at me!

Habakkuk 2:8

Cuz you guys wen rip off plenny nations, All da peopos dat still stay alive goin rip off you guys. Az cuz you guys wen make peopo bleed an mahke. An wen wipe out lands an towns an erybody inside um.

Rome 3:19

We know eryting wat da Rules From God tell, fo da peopo dat get da Rules ova dem. Dass why no can make excuse wit God. An bumbye erybody all ova da world gotta go in front God da Judge fo show dey all get da blame.

Rome 2:13

Fo get um right wit God, not enuff fo ony hear da Rules From God. You gotta do jalike da Rules From God tell you fo do fo get um right wit him.

Ezekiel 28:16

Cuz wen you trade wit peopo all ova da place, You start fo bus up peopo, an you do bad kine stuff! So me God, I take away yoa right fo stay on top da mountain dat stay spesho fo me. Da one dat stay alive an fly wit God fo guard you, he throw you out, Ova dea wea get da stones dat shine bright jalike get fire inside.

Isaiah 60:18

No goin get noise inside yoa land no mo From peopo dat stay hurt each odda. Nobody goin wipe out stuff O broke up stuff inside yoa land. But wen you guys build one town wall, You goin give um da name ‘God get us outa trouble.’ An wen you guys put up one town gate, You goin give um da name ‘Da One In Charge stay good.’

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

Habakkuk 2:17

You guys was wrong Da time you wen cut down da Lebanon trees! Now peopo goin cut down you guys. An cuz you guys wen wipe out da wild animals ova dea, You guys goin come real sked, jalike da animals was sked. Cuz you wen make peopo bleed an mahke, An wen wipe out lands an towns an erybody inside um.

Habakkuk 1:2

He tell: “Eh! You, Da One In Charge! How long I gotta yell to you fo help us guys, But you no lissen?! I yell to you, ‘Us all bus up!’ But you no get us outa trouble.

Jeremiah 6:7

Jalike plenny watta come outa one spring, Az how plenny bad kine stuff come outa da Jerusalem peopo. I ony hear Who get hurt o who get wipe out. Dass all I hear! I see dat all da time Da peopo dea stay sick an hurt.

Songs 140:11

No let da ones dat talk bad Bout odda peopo get respeck Hea inside oua land. Da bad peopo dat like bus up erybody, Make bad tings come to dem, Ova an ova!

Songs 55:9

Boss, try make da tings Dose peopo tell dey goin do Come all hamajang, Cuz all ova da big town, I see peopo Dat stay bus up each odda An fight each odda.

Songs 11:5

Da One In Charge, he look good on da peopo dat do wass right, An on da peopo dat do real bad kine stuff too. Deep inside, he hate da peopo Dat like bus up odda peopo.

Start 13:13

But da Sodom peopo, dey bad peopo. Dey erytime do bad kine stuff dat Da One In Charge tell dey betta not do.

Start 10:9

Nimrod come one good hunta, an Da One In Charge know bout him. Peopo still talk bout one good hunta guy lidis: “Da One In Charge, he know bout dis guy dass jalike Nimrod, one real good hunta.”

2 Records 34:27

You wen lissen, an you come sorry in front God wen you hear wat I wen tell agains dis place an da peopo. An cuz you come sorry an rip yoa clotheses, an cry in front me, az why I lissen you.’ Dass da message from Da One In Charge.

Start 7:1

Den Da One In Charge tell Noah, “Time awready! Go inside da boat, you an all yoa ohana. Cuz from all da peopo dat stay alive, you da ony guy I see dat do da right ting erytime.

Start 6:10

Noah get three boys: Shem, Ham, an Jafet.

Outa Egypt 32:7

Den Da One In Charge tell Moses, “Go back down da mountain quick! Yoa peopo, da one you wen bring outa da Egypt land, dey stay jam up an stay do all pilau kine stuff awready.

Rules Secon Time 31:29

Cuz fo shua afta I mahke, you guys goin jam up eryting real bad, an make eryting come pilau. You guys goin tell ‘Laytas’ to me an no do wat I tell you guys fo do. An layta, plenny bad kine stuff goin come on top you guys, cuz you guys goin do da kine stuff dass bad, da way Da One In Charge see you guys stay do. You guys goin make him come huhu cuz a da tings you guys make wit yoa hands.”

Local Leadas 2:19

But weneva one local leada guy mahke, da peopo turn aroun. Dey jam up even mo stuff den dea faddahs wen jam up. Dey go follow odda gods, an work fo dem an go down in front dem. Dey ony like do bad kine stuff, an dey come real hard head.