Start 49:6 - Hawaii Pidgin Bible

⁶ Inside, goin bodda me plenny if I gotta lissen Wen dey make plan togedda fo do bad kine stuff. Wen dey come togedda, I no like stay wit dem, Cuz wen dey come huhu, dey kill peopo. Dey even tink az good fun hurt da cows fo notting.

Start 49:6 交叉參考

Start 34:30

Laytas, Jacob tell Simeon an Levi, “You guys! You make me come kapu da way erybody see me! Cuz a dis, da peopo dat live inside dis land, da Canaan peopo an da Periz peopo, dey goin hate me, jalike I haunas! I no mo plenny guys wit me, you know. So if dey come togedda fo fight me, dey goin bus me up fo real kine an wipe me out, me an my ohana.”

Songs 26:9

Wen you go afta da peopo dat do bad kine stuff, No take away my life, same time. Wen you go afta da killa guys, Make shua I no mahke!

Songs 16:9

Dass how come, I stay real good inside, An I feel inside jalike I throw party! Fo shua, wen my body stay res, No mo notting bad goin happen to me.

2 Corint 6:14

No go hook up wit da kine peopo dat no trus God. Cuz da peopo dat do da right kine stuff, an da odda peopo dat stay agains da Rules From God, dey no goin work togedda. Da good kine peopo an da bad kine peopo no can stay tight wit each odda.

Luke 12:19

Den I goin tell, “Eh, fo shua I one lucky guy! I get plenny good stuffs store up fo long time. Az why I can take it easy, an eat an drink an party up!” ’

Jeremiah 15:17

I neva hang out wit peopo dat like good fun An make big party wit dem. I ony stay wit nobody, cuz you stay in charge a me, An cuz you make me come plenny huhu wit dose peopo.

Jeremiah 4:19

Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Songs 64:2

Hide me, so dey no can find me, Da ones dat stay make secret plan Fo do someting bad to me, Da ones dat stay all amp up Fo hurt me.

Songs 57:8

I like wake up An make ready my small harp An my bass harp, An get up befo da sun come up.

Smart Guys 12:5

Wen da peopo dat do wass right make plan, Dey make shua, az not goin hurt nobody. Wen da bad kine peopo try tell you wass good fo you do, Dey ony trying fo trick you.

Smart Guys 1:11

No matta dey tell, ‘Try come wit us. We goin hide an go jump whoeva stay come, Den we kill um. Cuz no mo notting else fo do, aah?

Songs 139:19

Eh God! I like fo you kill da peopo Dat do bad tings! All you killas, get outa my life!

Songs 103:1

I tink lidis: “Tell erybody dat Da One In Charge, He da One give me Da powa fo do eryting!” Eryting inside like tell Wat kine god him, Da One dat stay good an spesho!

Songs 43:5

I tink lidis: “Eh! No need I stay All bum out inside! No need I stay moan! Cuz God, him da One I wait fo, Fo help me! Cuz you know wat? I get mo plenny good tings Fo tell bout him! Him, he da God fo me, An he erytime get me outa trouble.”

Songs 42:11

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I goin get good tings fo tell Bout him still yet! Him, he da God fo me, An he stay get me outa trouble.”

Songs 42:5

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I still goin get Good tings fo tell bout him! Him, he da God fo me, An he stay get me outa trouble.”

Songs 30:12

Cuz you wen do dat, Now eryting inside Sing bout how good you stay. Dass why inside me I no stay quiet. Eh! You Da One In Charge! You da God fo me! I goin tell good tings bout you, All da time!

Songs 28:3

No drag me away jalike I one bad guy, Da kine guy dat erytime do bad kine stuff, Da kine guy dat talk with dea frenz jalike dey get aloha, But same time, dey tink dey like do bad tings to peopo.

Songs 5:10

Eh God! You da judge! So tell dem guys dat you gotta punish dem. Da tings dey make plan fo do, Make dose same tings wipe dem out. Throw um out, cuz dey go agains you!

Songs 1:1

Da peopo stay good inside Wen dey live lidis: Dey no lissen da guys dat broke Da Rules from God, Wen dose guys tell um wass good fo do. An dey no hang out wit da peopo Dat do bad tings, An dey no sit down fo talk story Wit da guys Dat ack jalike dey mo betta Den erybody!

Local Leadas 5:21

Da Kishon Gulch wash dem away. Da gulch dat stay from befo time, az Kishon. No sked, go fo it, march!

Rules Secon Time 27:24

“Da Levi guys goin tell: ‘God goin punish anybody dat murda one guy an nobody know he murda um!’ “All da peopo goin tell: ‘Az right!’

Joshua 11:9

Joshua make to dem jalike Da One In Charge tell um fo do. He cut dea horses back legs fo dem no run, an burn up dea war wagons.

2 Samuel 8:4

David grab 1,700 a da guys dat use horse fo fight, an 20,000 infantry guys, an make um his prisonas. His guys cut da back leg tendon fo all da horses dat pull war wagon fo dem no walk good. Ony one hundred horses dat pull war wagon, he let stay good.

1 Records 18:4

David an his guys take ova from Hadadezer one tousan war wagons, seven tousan guys dat stay in charge a da war wagons, an twenny tousan infantry guys. He cut da back legs a all da horses fo da war wagons so dey no can run. He ony let one hundred war wagon horses stay fo dem run.