Now, I stay come hea fo help you undastan wat goin happen to yoa peopo long time from now. Da ting you see jalike one dream, tell bout one time dat still yet goin come.”
Wen Da One In Charge come huhu, He goin stay huhu Till he pau do eryting he plan fo do from befo time. You guys goin undastan all dis, Bumbye wen da right time come.”
Wen all dis kine trouble happen to you guys, an you guys come bum out, bumbye you guys goin come back by yoa God, Da One In Charge, an lissen wat he tell you fo do.
Afta dat I look, an I see someting jalike one dream. I see one open door inside da sky. I hear da same voice I wen hear befo time, dat soun jalike one trumpet. He talk to me, an he tell, “Eh, come up hea! I show you wass gotta happen bumbye.”
Bumbye, wen da world almos pau, God goin make da hill wea da Temple Fo Da One In Charge stay, Come da mos importan place in da whole world, Mo importan den da odda hills. Den all da peopo from odda countries Goin come dea.
Da peopo dat feel jalike dey sked an shaking Wen dey stay in front Da One In Charge, Dey stay real close to him, Cuz he like make shua dey undastan Wat da deal mean dat he wen make wit dem.
Call all da peopo togedda—da guys, da wahines, an da kids, an guys from anodda place dat live inside yoa towns, fo dem lissen an learn fo dem stay sked a oua God, dass Da One In Charge a us, an fo dem stay do eryting dese rules tell um fo do.
But now, wen eryting almos come pau, God sen his Boy fo talk to us guys. His Boy, he da One dat get eryting from his Faddah. Wen God make da world an da sky, was his Boy dat do da work.
God Spirit tell fo real kine dat bumbye befo da world pau some peopo no goin trus da tings we trus. Dey goin stay tight wit odda spirits dat bulai, an trus da stuff da bad kine spirits teach.
“God tell, “ ‘Dis wat I goin do befo da world goin come pau, I goin make my Spirit take charge a all da peopo. Yoa boys an yoa girls goin talk fo me. Yoa young guys goin see spesho tings. An yoa ol guys goin dream plenny dreams.
In da las time, wen Da One In Charge ready fo come king fo da peopo, Da hill wea da Temple Fo Da One In Charge stay now Goin stay solid an be mo importan den all da odda hills. An plenny peopo goin come dea, Jalike da watta dat stay come down in one riva.
Da year numba three wen Cyrus stay da king fo Persia, God give one message dat was secret befo time to Daniel (da guy anodda king wen call Belteshazzar). Wat God show Daniel, dat message stay true, an tell bout one big war. He undastan wat dat mean cuz he wen see um, jalike in one dream.
Da king tell Daniel, “Fo shua yoa God stay da God ova all da odda gods, an da Boss ova us king guys. He da One dat show wat tings mean dat stay secret cuz you wen tell wat dis dream mean.”
‘Fo shua, da time goin come wen eryting inside yoa palace, an all da stuffs you an yoa ancesta guys wen put away till now, da Babylon guys goin take um all to Babylon. Dey goin take eryting.’ Dass wat Da One In Charge tell.
I hear Da One In Charge, Da God Ova All Da Armies, Tell dis bad kine ting you guys stay do, I no goin hemo yoa shame fo dat Fo all da days you stay live.” Dass wat my Boss tell, Da One In Charge, Da God Ova All Da Armies.
“All you peopos, come togedda an lissen! Wat idol kine god Wen tell bout dis stuff dat goin happen?! No mo! Me, Da One In Charge, I wen pick my fren Cyrus. He goin do eryting I like him do Agains da Babylon peopo.
